Actualitats
Collaborar/trabalhar en linha
Gardar lo ligam amb lo trabalh es valent, mas amb los amics e la familha es necessari
Lo Quentin es un collaborador de Jornalet que dins sa tribuna prepausa de logicials liures disponibles en occitan. Uèi, dins aquesta meteissa draia, nos manda un article d'actualitat que prepausa una tièra d'espleches per trabalhar o collaborar en linha, fòrça utila pendent aqueste periòde de confinament.
Se vòstra entrepresa vos met a disposicion un logicial de conferéncia amb l’infrastructura que cal, vos pausetz pas cap de question, utilizatz aquela aisina, los emplegats de l’educacion francesa vejatz aprèp. Pasmens, qualques règlas per totes:
— Mandetz pas de pèças juntas grandas, utilizatz un servici segur de partatge de fichièrs e enviatz lo ligam per corric. Demandarà mens de ressorsas e ganharetz la possibilitat d’escafar lo fichièr quand volètz. Exemples: Firefox Send o una instància Lufi (https://lufi.alolise.org/, https://cijoint.org/).
— Ajatz coma prioritat d’utilizar una connexion fixa en plaça d’una connexion mobila se podètz. Lo ret mobil es partejat entre utilizaires. E un cable Ethernet fornís mai de debit qu’una connexion Wi-Fi.
— Se passatz per un tunèl virtual, trapatz los fichièrs que vos cal per trabalhar, passatz fòra linha e tornatz lançar lo VPN per depausar los fichièrs un còp modificats. Aital liberatz la connexion per qualqu’un mai.
— Demandatz que vos apèlen sul telefòn fixe.
— Se vòstre mobil es compatible, activatz las sonadas Wi-Fi per descargar lo ret mobil.
Ara, se sètz una associacion o una entrepresa petita, vos doni una lista d’aisinas que podètz installar o far installar per qualqu’un.
OVH, fins a 50 personas per conferéncia
Se vos cal crear de conferéncias telefonicas, l’albergaire francés OVH ofrís pendent la crisi son sistèma de conferéncia. Fins a 50 personas per conferéncia.
Videoconferéncia: Jitsi Meet
Albergar una instància Jisti Meet sus un servidor val 3€ per mes, val benlèu lo còp de s’entresenhar un còp per tot e realizar l’installacion per l’aver pel futur. Lo foncionament es pro simple: dintratz un nom per vòstra conferéncia, apondètz o pas un senhal per la clavar, e donatz un ligam al mond convidat.
— Pels autres traparetz aquí una lista d’instàncias liuras.
Oblidetz pas, s’avètz de besonh, vos calrà vos autoalbergar, las instàncias existisson al moment d’escriure mas res ditz pas que deman seràn encara aquí.
Mos exemples son disponibles en occitan e utilizan pas que de logicials liures.
Gardar lo ligam amb lo trabalh es valent, mas amb los amics e la familha es necessari!
Lo Quentin
| fffff | fffff | fffff | ||
| Lo confinament dels legeires de Jornalet | ||||
 | Sès confinat a l’ostal? As, totun, de connexion a Internet? As de bonas idèas per passar lo temps? Jornalet demanda a sos legeires que partegen lors idèas e lor vida en confinament amb un messatge de tèxt, una fòto, un vidèo, un àudio o qué que siá que se pòsca publicar en linha e partejar amb los autres legeires. As bastit un castèl de carton pels enfants? Fas d’escalada dins la cosina? As organizat un concèrt per videoconferéncia? Tenes una vida sociala sus las fenèstras o los balcons? Fas d’espòrt a l’ostal? As de bons libres a nos recomandar? De bonas idèas per èsser tostemps de bona umor? | |||
| Manda tos documents a info@jornale... Convivéncia e paratge en confinament. | ||||
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Complement :
Pel monde que trabalhan per l'estat francés : https://webconf.numerique.gouv.fr/
Una lista d'instància per far de vidèo-conferéncia : https://framatalk.org/accueil/oc/info/
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari