China a demandat als Estats Units que retiren sul pic las sancions contra Iran, “un país que fa tot çò possible per conténer la pandemia del coronavirus 2019”, çò a declarat lo pòrtavotz del ministèri chinés dels afars exteriors Geng Shuang. “China demanda a totas las partidas implicadas que lèven immediatament las sancions contra Iran per evitar de damatges màgers dins l’economia iraniana e la vida de la populacion”, çò precisèt.
 
Segon las autoritats chinesas, aquelas sancions son “unilateralas” e mai “immoralas” e representan una dificultat pels esfòrces d’Iran per luchar contra la Covid-19. A mai, remembran qu’Iran fa partida de l’ÒNU e d’autras organizacions internacionalas.
 
A l’ora d’ara, Iran es un dels païses que patisson mai aquela pandemia, e recep d’ajudas medicalas de China e de l’ÒNU.