Una enfantona afgana de sièis ans moriguèt diluns dins un incendi al centre de detencion de refugiats de l’illa grèga de Lèsbos. Una mòrt trista e tragica que nos remembra la situacion de manca de dreches umans a las frontièras de l’UE. Lo fuòc dins aquel centre de detencion poiriá aver tuat mai de mond encara. Es un sit pensat per 3000 personas e n’aculhís 19 000. Mètges Sens Frontièras (MSF) exigís l’evacuacion immediata del camp, que ten pas compte de las condicions sanitàrias, mai que mai fàcia a la pandemia del coronavirus qu’Euròpa n’es venguda son fogal principal.
 
 
“Venguèt aicí per se salvar la vida e ara es mòrta”
 
A prepaus d’aquela tragèdia, lo jornal catalan Ara publica lo testimoniatge esglasiant d’Aghagol Walizadeh, una refugiada afgana que se tròba sul sit dempuèi setembre passat. Walizade parlèt amb lo mèdia per telefòn: “Aquela enfantona venguèt aicí per se salvar la vida e ara es mòrta cremada amb totas sas esperanças. Arribarà pas d’èsser engenhaira, o metgessa, o qué que volguèsse èsser”, çò diguèt.
 
 
“Morir es 100 còps melhor que demorar a Mòria”
 
En mai d’aquò, Walizadeh rapòrta una situacion òrra. “Fugissèm la guèrra e rescontram aicí una situacion terribla: de pelejas d’òmes ebris, de faissistas que nos baton, una manca d’aiga e electricitat, d’incendis... e ara lo coronavirus. Morir es 100 còps melhor que demorar a Mòria. Ara podèm pas pus sortir quitament pas per cercar de manjar perque nos ataca quitament la polícia. Sabiam pas qu’èsser refugiat èra un crim tan òrre. Volèm solament que nos tracten coma d’èssers umans”.
 
 
Acarniment de Grècia suls refugiats
 
L’acarniment de Grècia suls refugiats qu’ensajan d’aténher l’UE a travèrs del país ellèn es terrible, coma o raportèt lo jornalista Oriol Bäbler dins Vilaweb. Los vidèos qu’arriban mòstran d’accions injustificablas de la polícia e de l’armada, de vaissèls de la gàrdia costièra a tirar sus de barcas totas plenas de mond, d’ultradrechistas a tabasar de personas que fugisson una guèrra crusèla.
Mentretant, l’Union Europèa aficha son sosten a Grècia per evitar una nòva crisi migratòria, malgrat las esfraiosas e polemicas decisions del govèrn grèc per arrestar l’intrada dels refugiats amb d’atacas de la polícia e de l’armada contra aquelas personas.

 
 

“In some parts of #Moria camp there is 1 water tap for 1,300 people & no soap. Families have to sleep in tiny spaces” says MSF’s Medical Coordinator in Greece.

“The recommended measures like hand washing & social distancing to prevent the spread of @COVID_19 are impossible.” pic.twitter.com/wO8aLxBY6T

— MSF Sea (@MSF_Sea) March 13, 2020

 

A fire broke out in #Moria camp today leaving behind one child dead, according to the Greek Fire Brigade.

The fire is put out but our medical teams in the MSF clinic opposite the camp are still providing medical and psychological support to those affected by the fire. pic.twitter.com/QFljyRgUQH

— MSF Sea (@MSF_Sea) March 16, 2020

 

A fire broke out in #Moria camp today leaving behind one child dead, according to the Greek Fire Brigade.

The fire is put out but our medical teams in the MSF clinic opposite the camp are still providing medical and psychological support to those affected by the fire. pic.twitter.com/QFljyRgUQH

— MSF Sea (@MSF_Sea) March 16, 2020