Indignacion màger en Catalonha contra la confiscacion del material sanitari facha pel govèrn espanhòl. La conselhièra de la santat de la Generalitat de Catalonha, Alba Vergés, raportèt ièr als mèdias indignada que lo material que ne deviá provesir los centres de santat e d’assisténcia de Catalonha l’aviá confiscat Madrid.
 
“D’entrepresas e de centres sanitaris an recebut de messatges d’arrestar las comandas o an vist de confiscacion de material per que siá centralizat a Madrid”, çò diguèt la conselhièra catalana. “Comprenèm pas que se pòsca far aquò a un moment que la prioritat es que nòstres professionals e los centres de santat ajan lo material de besonh per poder desvolopar lors suènhs. O ai dich al ministre” de la santat espanhòl, çò precisèt.
 
A mai, Vergés, o diguèt net e clar: “Compreni pas ni comprendrem jamai que se volga arrestar de comandas o que se volga requisicionar o centralizar çò que justament se deu gerir d’un biais descentralizat, aquí ont n'i a de besonh, valent a dire dins nòstres centres de santat e d’assisténcia”.
 

#Consellera@albaverges: “No entenem que es puguin retardar decisions i mesures que es prenen aquí en pro de la ciutadania de Catalunya. Tampoc podem entendre que es puguin parar comandes per centres sanitaris en un moment de crisis" #COVID19#Coronavirus” pic.twitter.com/0nKBzD9slK

— Govern. Generalitat (@govern) March 18, 2020

 

4000 mascas retengudas a Igualada
 
Lo cònsol màger d’Igualada denonciava ièr que 4000 mascas per l’espital de la vila èran retengudas a Madrid. De soslinhar qu’Igualada es lo nuclèu mai important de coronavirus en Catalonha e que sa region se confinèt abans que se prenguèsse de mesuras en Catalonha, e puèi en Espanha.
 
 
Quim Torra o planguèt per letra
 
Tanben lo president de la Generalitat, Quim Torra, deplorava la confiscacion del material sanitari ièr passat dins una letra mandada al president del govèrn espanhòl, Pedro Sánchez.
 
Tanben planhiá aquel fach lo president del Collègi de Mètges de Barcelona, Jaume Padrós. Explicava ièr sus Twitter qu’en seguida de l’estat d’alèrta decretat pel govèrn espanhòl la situacion dins los espitals s’èra agravada car los fornidors èran pas pus autorizats a porgir de material. Segon Padrós, mancan de material los espitals publics e privats, los ostals de santat, los centres sòciosanitaris, las residéncias geriatricas e d’andicapats...
 

Torno a demanar-ho i ho exigeixo: És urgent assegurar equips de protecció individual per a tots els professionals sanitaris! La situació s'ha agreujat des del Decreto perquè els proveïdors habituals no poden servir directament als centres. Si no, això serà inassumible!!!

— Jaume Padrós  (@jaumepadros) March 18, 2020

 
L’armada requisiciona de material
 
E tanben dimars, lo president de la Cambra de Comèrci de Barcelona, Joan Canadell, diguèt sus Twitter que l’armada èra en Catalonha a requisicionar de material de proteccion contra lo coronavirus.
 

M’informen q l’exèrcit està requisant a Catalunya material de protecció contra el coronavirus. Amb quina transparència ho fan? On s’ho enduen? Va a centres catalans mes necessitats?? En té coneixement la HC @albaverges ?
L’estat d’alerta pot ser molt injust si no son transparents

— Joan Canadell (@jcanadellb) March 17, 2020

 

Han logrado "la requisa"
Claro. Como si el resto de comunidades las escondieran para traficar con ellas y no para sus centros sanitarios pic.twitter.com/v2X9sOcanZ

— Cris  (@gallifantes) March 18, 2020