Un dels problèmas pus grèus de l’estat espanhòl per combatre lo coronavirus es la manca de mascas e d’autres produches de besonh coma las solucions idroalcolicas, los gants de latèx o nitril, l’alcòl etc. Segon lo jornalABC, lo govèrn de l’estat auriá ordenat a l’armada que requisicionèsse tot aquel material dins las doanas dels pòrts.
 
La consequéncia n’es que los fabricants d’aquel material preferisson de l’enviar a d’autres estats europèus. Lo jornal espanhòl rapòrta  d’efièch qu’una entrepresa chinesa que deviá fornir un milion de mascas a un crompaire de l’estat espanhòl “preferiguèt de refusar la comanda e de la mandar en Alemanha” a causa de l’òrdre del govèrn d’Espanha de requisicionar lo material sanitari sus las frontièras.
 
Dins aquel sens, raportàvem dijòus passat l’indignacion de las autoritats politicas e medicalas de Catalonha, car l’estat aviá confiscat lo material sanitari per l’emportar a Madrid.