Actualitats
Es mòrt Albert Uderzo, un dels dos paires d'Asterix
Amb lo scenarista René Goscinny creèt Asterix en 1959 coma personatge d’una benda dessenhada que se publicava dins la revista juvenila Pilote
Lo dessenhaire Albert Uderzo, autor de la celèbra sèria de bendas dessenhadas d’Asterix lo gallés es defuntat a 92 ans d’una crisi cardiaca. “Albert Uderzo es mòrt mentre que dormissiá en cò sieu a Neuilly, d’una crisi cardiaca sens cap de ligam amb la Covid-19. Dempuèi qualques setmanas èra fòrça las”, çò a explicat son gendre a l’AFP.
Amb lo scenarista René Goscinny, Uderzo creèt Asterix en 1959 coma personatge d’una benda dessenhada que se publicava dins la revista juvenila La Pilote. En 1961, la benda dessenhada venguèt independenta amb la publicacion del primièr album autonòm d’Asterix, entitolat Asterix, lo gallés. En seguida del succès qu’aguèron las istòrias, en 1967 s’i consagrèt exclusivament e ne publiquèt dos volums per an. Après la mòrt de Goscinny, en 1977, Uderzo faguèt tanben los scenaris.
Lo darrièr album d’Asterix signat per Uderzo foguèt Lo cèl nos tomba sul cap publicat en 2005. En 2013, se tornèt prene la publicacion de la sèria amb Asterix e los pictes, mas aquò se faguèt amb los dessenhs de Didier Conrad e lo scenari de Jean-Yves Ferri.
Las bendas dessenhadas d’Asterix son las mai traduchas del Mond, reviradas en mai d’un centenat de lengas, oficialas o non. Totas las edicions publicadas en francés an tanben una traduccion en catalan. En occitan s’es publicat los albums Lo torn de Gàllia d’Asterix (1978), Obelix e Companhia (1977) e Asterix e l’escòla gallesa (2004).
Amb lo scenarista René Goscinny, Uderzo creèt Asterix en 1959 coma personatge d’una benda dessenhada que se publicava dins la revista juvenila La Pilote. En 1961, la benda dessenhada venguèt independenta amb la publicacion del primièr album autonòm d’Asterix, entitolat Asterix, lo gallés. En seguida del succès qu’aguèron las istòrias, en 1967 s’i consagrèt exclusivament e ne publiquèt dos volums per an. Après la mòrt de Goscinny, en 1977, Uderzo faguèt tanben los scenaris.
Lo darrièr album d’Asterix signat per Uderzo foguèt Lo cèl nos tomba sul cap publicat en 2005. En 2013, se tornèt prene la publicacion de la sèria amb Asterix e los pictes, mas aquò se faguèt amb los dessenhs de Didier Conrad e lo scenari de Jean-Yves Ferri.
Las bendas dessenhadas d’Asterix son las mai traduchas del Mond, reviradas en mai d’un centenat de lengas, oficialas o non. Totas las edicions publicadas en francés an tanben una traduccion en catalan. En occitan s’es publicat los albums Lo torn de Gàllia d’Asterix (1978), Obelix e Companhia (1977) e Asterix e l’escòla gallesa (2004).
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#6 Tempus Fuguit, pus lèu... amb un /u/.
Ni per far confleta, me cal èsser corrècte . Fasètz-me excusas.
La version radiofonica difusida per Radio Luxembourg en 1960, cada dijòus (jorn ont los mainats avián pas classa), participèt bravament al succès popular d'Asterix lo Gallés, e a la promocion de sos albums. Èra pas encara l'epòca de la television per totes, e aperaicí lo monde se carravan d'escotar La Catinon sus Radio Tolosa.
..."Tempus foguit", revirada occitana : "la valisa es prèsta".
De légir son exceptionau « Le ciel lui tombe sur la tête », monument de racisme culturau.
Es amusant de véser que l'eròi mès "francés" (quitament se los Galleses son una mena d'invencion de la Tresau Respublica) estoc creat per :
1/ Un italian (del Veneto coma digoc Det)
2/ Un jusiu polonés (Gościnny en polonés vòu díser "arcuelhent")
A lèu ...
Uderzo d'origina venèta, probable de la comuna d'Oderzo
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari