Actualitats
Estats Units: de coas per crompar d’armas a causa de la crisi del coronavirus
L’OMS assegura que los Estats Units seràn l’epicentre seguent d’aquesta crisi pandemica
S’en Occitània lo mond an agotat lo papièr igienic e las pastas dels supermercats, dins los Estats Units las grandas coas se son vistas a las botigas d’armas. Fòrça estatsunidencs crenhon que la pandemia pòrte d’inseguretat, de panatòris o de rambalhs publics.
De fach, lo filh del president, Donald Trump Jr., recomandèt fa qualques jorns sus son compte de Twitter quinas armas caliá crompar e se trufava dels democratas qu’ara si que volián de pistolets.
Fa qualques jorns, lo president Trump negava l’importància de la pandemia, mas ara, tant los democratas coma los republicans son d’acòrdi que cal prene de mesuras.
Mai de 51 700 cases
Segon Donald Trump “lo coronavirus es mai que contrarotlat als Estats Units”. Totun, las donadas de l’Organizacion Mondiala de la Santat (OMS) asseguran que lo president estatsunidenc a pas rason: dins una setmana las contaminacions an aumentat d’un 700% e las autoritats sanitàrias an detectat mai de 51 700 cases. Per aquela rason, l’OMS assegura que los Estats Units seràn l’epicentre seguent d’aquesta crisi pandemica.
Pas de sistèma de santat universal
Mas als Estats Units i a pas de sistèma universal d’assisténcia sanitària e doncas 27 milions d’abitants an pas de cobertura medicala. Dins aquel sens, la revista Time publicava dins la dimenjada passada lo cas d’una femna de Boston apelada Danni Askini qu’aviá pas cap d’assegurança de santat e que lo tractament contra l’infeccion li aviá costat 34 927 dolars.
Mentretant, lo coronavirus s’es estendut a totes los estats e lèu-lèu serà de mal conténer. Quinze estats an ja decretat lo confinament de la populacion. Lo primièr foguèt Califòrnia, lo 19 de març, e Nòva Yòrk, qu’es lo pus afectat amb aperaquí 26 000 infectats, o faguèt tres jorns mai tard.
De fach, lo filh del president, Donald Trump Jr., recomandèt fa qualques jorns sus son compte de Twitter quinas armas caliá crompar e se trufava dels democratas qu’ara si que volián de pistolets.
Fa qualques jorns, lo president Trump negava l’importància de la pandemia, mas ara, tant los democratas coma los republicans son d’acòrdi que cal prene de mesuras.
Mai de 51 700 cases
Segon Donald Trump “lo coronavirus es mai que contrarotlat als Estats Units”. Totun, las donadas de l’Organizacion Mondiala de la Santat (OMS) asseguran que lo president estatsunidenc a pas rason: dins una setmana las contaminacions an aumentat d’un 700% e las autoritats sanitàrias an detectat mai de 51 700 cases. Per aquela rason, l’OMS assegura que los Estats Units seràn l’epicentre seguent d’aquesta crisi pandemica.
Pas de sistèma de santat universal
Mas als Estats Units i a pas de sistèma universal d’assisténcia sanitària e doncas 27 milions d’abitants an pas de cobertura medicala. Dins aquel sens, la revista Time publicava dins la dimenjada passada lo cas d’una femna de Boston apelada Danni Askini qu’aviá pas cap d’assegurança de santat e que lo tractament contra l’infeccion li aviá costat 34 927 dolars.
Mentretant, lo coronavirus s’es estendut a totes los estats e lèu-lèu serà de mal conténer. Quinze estats an ja decretat lo confinament de la populacion. Lo primièr foguèt Califòrnia, lo 19 de març, e Nòva Yòrk, qu’es lo pus afectat amb aperaquí 26 000 infectats, o faguèt tres jorns mai tard.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Los Estats Units si que tenen un problema gran al non aver un sistema sanitari public. Los extremistas anomenats alà Republicans consideran qu' es cosa de comunistas. Non tota la poblacion pot pagar se una assegurança privada qu' a mai es un negoci, e non cobreis totas las malaltias coma en Europa. Los republicans es un partit d'una cova de fachas.
E aprendràn quicòm d'aquel auvari los americans?
Edit.
#1 Per espondre a ta question, basta de veire çò que lo partit pretendut progressista dels "democratas americans" fa de la candidatura de Bernie Sander a las eleccions primàrias. Totes los mariòls d'aquel partit e totes los medias d'aquel país van aligats contra el. Los paures, a las Americas, an tòrt d'èsser paures, pòdon crebar morre dobèrt de per carrièras. Dieu o vòl, que benesís las Americas !!! Al país de la lei del mai fòrt, cadun deu anar armat, per poder demostrar sa fòrça. E aquò mena lo mond : ont anam ?
E aprendron quicòm d'aquel auvari los americans?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari