Al Principat de Catalonha i a pas pus de mascas de proteccion contra las infeccions dempuèi qualques setmanas. Son totas agotadas e las paucas que demoravan per l’usatge medical son estadas requisicionadas per las autoritats de l’Estat. Davant aquela situacion, l’Assemblada Nacionala Catalana s’es organizada per provesir de mascas los ciutadans.
 
Lo collectiu independentista a trobat pro de tela 100% coton de 220 gramas amb un tractament idrofug, una societat textila s’es prepausada pel tractament e lo talhatge de las telas e una cadena de supermercats s’es encargada de la distribucion. Gràcias a tot aqueste ret benevòl autoorganitzat, los ciutadans poiràn trobar a partir del 31 de març dins los supermercats Bonpreu-Esclat de paquets que contendràn dos tròces de tela e un riban de goma per se confeccionar sas pròprias mascas, a rason de dos per paquet.
 
Tot aquò serà mes a la venda per un èuro que serà donat als espitals catalans que trabalhan dins la recèrca e lo tractament de la Covid-19.
 

L’@assemblea proveirà la ciutadania de mascaretes d'ús no sanitari

Ingressos destinats a la recerca i tractament #Covid19
A partir del 31-M a @bonpreuesclat

Comparteix el comunicat i participa-hi#JoEmQuedoaCasa#ObjectiuIndependènciahttps://t.co/GgGsyqapXa

— Assemblea Nacional Catalana (@assemblea) March 25, 2020