Actualitats
Lo govèrn francés a cambiat de vejaire e autoriza l’usatge de l’idroxicloroquina
L’usatge d’aquel medicament a fach polemica aquestes jorns après se n’aguèt esprovat l'eficacitat a Marselha
Lo govèrn francés a cambiat de vejaire a prepaus de l’idroxicloroquina, comercializada jos lo nom de Plaquénil. Ièr dijòus, pubiquèt un òrdre que permet de la dispensar a de pacients de la Covid-19. A mai, l’òrdre permet tanben de dispensar la combinason de lopinavir e ritonavir. Aqueles tractaments se pòdon solament dispensar dins los espitals e jos la supervision d’un mètge especialista en reumatologia, medecina intèrna, dermatologia, nefrologia, neurologia o pediatria.
L’usatge d’aquel medicament aviá fach polemica aquestes jorns après se n’aguèt esprovat l'eficacitat a Marselha per un grop dirigit pel professor Didier Raoult, especialista en malautiás infecciosas e director de l’IEU –Mediterranèa Infeccion de la Ciutat Focèa. Las donadas d’aquel tractament son estadas discutidas per una part de la comunautat scientifica que considerava que l’estudi èra pas rigorós e que s’èra fach sus una mòstra tròp bassa de malauts. A mai, remembravan que l’idroxicloroquina pòt aver de contraindicacions e qu’en genièr passat sa venda foguèt enebida dins l’estat francés.
Pasmens, las autoritats sanitàrias de Jordania e de l’estat de Nòva York, als Estats Units, autorizèron dimenge passat de començar d’espròvas basadas sus aquela combinason de medicaments e los resultats del tractament de Marselha. E ièr, lo cercaire catalan Oriol Mitjà, que dirigís la recèrca medicala per combatre lo coronavirus en Catalonha, faguèt un apèl a de volontaris infectats per lor administrar l’idroxicloroquina e veire se redutz la carga virala de la Covid-19 e s’evita lo desvolopament de l’infeccion entre los contactes dels malauts.
L’afar de l’idroxicloroquina es dempuèi qualques jorns en primièra pagina de fòrça mèdias de l’estat francés. Le Monde publicava dimars un article sus las questions essencialas de l’afar e BFMTV publicava ièr un reportatge que respondiá a la decision del govèrn francés.
L’usatge d’aquel medicament aviá fach polemica aquestes jorns après se n’aguèt esprovat l'eficacitat a Marselha per un grop dirigit pel professor Didier Raoult, especialista en malautiás infecciosas e director de l’IEU –Mediterranèa Infeccion de la Ciutat Focèa. Las donadas d’aquel tractament son estadas discutidas per una part de la comunautat scientifica que considerava que l’estudi èra pas rigorós e que s’èra fach sus una mòstra tròp bassa de malauts. A mai, remembravan que l’idroxicloroquina pòt aver de contraindicacions e qu’en genièr passat sa venda foguèt enebida dins l’estat francés.
Pasmens, las autoritats sanitàrias de Jordania e de l’estat de Nòva York, als Estats Units, autorizèron dimenge passat de començar d’espròvas basadas sus aquela combinason de medicaments e los resultats del tractament de Marselha. E ièr, lo cercaire catalan Oriol Mitjà, que dirigís la recèrca medicala per combatre lo coronavirus en Catalonha, faguèt un apèl a de volontaris infectats per lor administrar l’idroxicloroquina e veire se redutz la carga virala de la Covid-19 e s’evita lo desvolopament de l’infeccion entre los contactes dels malauts.
L’afar de l’idroxicloroquina es dempuèi qualques jorns en primièra pagina de fòrça mèdias de l’estat francés. Le Monde publicava dimars un article sus las questions essencialas de l’afar e BFMTV publicava ièr un reportatge que respondiá a la decision del govèrn francés.
Que contient le décret encadrant l'usage de la chloroquine ? pic.twitter.com/0w6fun99U2
— BFMTV (@BFMTV) March 26, 2020
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Es clar que s'ha d'aplicar, alara se veirà se va ben per curar. Mas primier lo cal aplicar a los malalts e veire se reducís l'infeccion. Visca Marselha !
Lo govèrnament a cambiat de vejaire?
Fa qualque temps, un amic me diguèt: "Aquel govèrn fa la politica al det molhat." E ben, per de mond ultraformat a l'ENA, aplicar un sistèma experimental ninòi...
De fach sabèm que son formatats, que non pas formats, a l'ENA, e qu'an pas ges d'imaginacion per respondre a las escomesas de la vida. I a pas que veire la tièra de prefèctes que prenon de decisions erronèas.
Ara l'imatge es just: viran coma lo gal ennaut del cloquièr segon lo vent.
I comprengui pas tròp a aqueste ahar, mes soi susprés de çò que lo jornau de 20h de França 2 aja pas parlat d'aquesta autorisacion lo jorn dit. Bon, susprés, susprés a mitat. Nos abeuran de reportatges "espectaculoses" au miei d'un service de reanimacion a l'espitau de Mülhausen, mes pas tròp d'informacions.
La velha, nos sèm assabentats per la votz deu president eth medish qu'am pas brica mascas mes qu'am un pòrtavion dens l'ocean Indian (Que pòt pas recéber malauts). Va plan atau.
Se que non, lo comentari que m'a hèit ríser mès sus l'autorisacion de cloroquina es lo seguent : "Panoramix a ganhat."
Se mantuns metges fan de la pilitica dins l amira de balhar setis a sos amics e de parteja de la mangisca dins d ostal hausmann d autres son al ras de la malautia. Es pas lo meitess mestier.
https://www.marianne.net/politique/didier-raoult-et-le-milieu-medical-parisien-histoire-d-une-detestation-reciproque
Fransa es çaquelà lo país ont un jornalista explica lo virus, traquet traquet a un professor especialista de las malautiás infecidas
https://twitter.com/anoriant92/status/1240260990941495298
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari