Actualitats
Un poèma per nos recomandar de lecturas en occitan
Lo poèta aranés Xavi Gutiérrez nos ven de mandar un poèma per nos aconselhar los melhors autors en occitan
Lo poèta aranés Xavi Gutiérrez profiècha del temps d’embarrament per escotar de musica e tanben per legir. Ara nos manda un poèma per nos aconselhar de lecturas en occitan. "Demorarè eth «comentari» deth gran Bardòu", çò nos ditz.
Partejatz lo confinament amb la rèsta de legeires
Encoratjam nòstres legeires a nos mandar de tèxtes, de vidèos, d’imatges o d’àudios sus lors idèas de passar lo confinament. De partejar aqueles moments entre totes nos ajudarà a nos donar d’idèas los unes als autres, e nos coneisserem un pauc melhor.
Lectures plasentes
Escríuer e liéger que’m platz
e ara m’ac pogui perméter;
damb tantes ores de patz
que’m vague, m’ac cau adméter.
Jo, qu’è libres a palhats,
ací vos pogui transméter
se qué liegi —se’m deishatz—
entath vòste avís sosméter
se vos semblen apropiats:
Vernet, Lavit, Rei-Bèthvéder,
Bardòu, Ferré —confinats—,
es classics que cau reliéger:
Mistral, Roqueta, Lafont,
Garròs, Godolin, Manciet,
Lapassada e Cercamon,
Ader, Bodon e Caubet,
tà que’n siatz assabentats...
Ara m’auetz de prométer,
—abans deth mèn adishatz—
“per sa dignitat manténguer”
qu’en occitan liegeratz!
Escríuer e liéger que’m platz
e ara m’ac pogui perméter;
damb tantes ores de patz
que’m vague, m’ac cau adméter.
Jo, qu’è libres a palhats,
ací vos pogui transméter
se qué liegi —se’m deishatz—
entath vòste avís sosméter
se vos semblen apropiats:
Vernet, Lavit, Rei-Bèthvéder,
Bardòu, Ferré —confinats—,
es classics que cau reliéger:
Mistral, Roqueta, Lafont,
Garròs, Godolin, Manciet,
Lapassada e Cercamon,
Ader, Bodon e Caubet,
tà que’n siatz assabentats...
Ara m’auetz de prométer,
—abans deth mèn adishatz—
“per sa dignitat manténguer”
qu’en occitan liegeratz!
Partejatz lo confinament amb la rèsta de legeires
Encoratjam nòstres legeires a nos mandar de tèxtes, de vidèos, d’imatges o d’àudios sus lors idèas de passar lo confinament. De partejar aqueles moments entre totes nos ajudarà a nos donar d’idèas los unes als autres, e nos coneisserem un pauc melhor.
| fffff | fffff | fffff | ||
| Lo confinament dels legeires de Jornalet | ||||
 | Sès confinat a l’ostal? As, totun, de connexion a Internet? As de bonas idèas per passar lo temps? Jornalet demanda a sos legeires que partegen lors idèas e lor vida en confinament amb un messatge de tèxt, una fòto, un vidèo, un àudio o qué que siá que se pòsca publicar en linha e partejar amb los autres legeires. As bastit un castèl de carton pels enfants? Fas d’escalada dins la cosina? As organizat un concèrt per videoconferéncia? Tenes una vida sociala sus las fenèstras o los balcons? Fas d’espòrt a l’ostal? As de bons libres a nos recomandar? De bonas idèas per èsser tostemps de bona umor? | |||
| Manda tos documents a info@jornale... Convivéncia e paratge en confinament. | ||||
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 Dis Aups i Pirenèu, de l'Oucean a la grand Mar, de Bourdèu a Nissa e de "Velai a Ventour"...
Osca per touei li que fan viure la culturo nostro...
Aïoli
Eu vos voldria afegir
un parelh de noms nostrats
que vos avets oblidat:
Bernart de Ventadorn, Jaufre Rudel, Guilhem de Peitieu, Guillem de Berguedà, Marcabrú, Giraut de Bornelh, Raimbaut d'Aurenga, La Comtessa de Dia, Guillem de Cabestany, Raimbaut de Vaqueiras, ....e d'altres grans trobadors.
#3 Qu’as rason, amic trobaire,
eth desbrembe ei lamentable
be me n’è deishat, pecaire!
Quin error tan deplorable,
jo que sò d’esperit badaire
—aquerò qu’ei inacceptable—,
è ometut, per oblidaire,
un sector indispensable
der occitan ‘literaire’.
È un motiu justificable
e un pretèxte... criticable:
er imperatiu... rimaire.
Sense decas de picatge, tot raja, melhor, non ?
Amic Xaví sense espèra,
Ben te dirai çò que n'èra :
De Delpastre la votz sàbia,
De Filadèlfa la ràbia
E de tant de dòmnas candas
Que fan nòstras tèrras grandas
Legissi l'anma bragarda.
Car Loisa Paulin nos garda
D'oblidar que la patria,
E mai siá de l'escriure,
Nos es aitant plan matria :
Sense dòmna, qué val viure ?
Legirai a la font druda
Lo sen de lor canta nuda.
Sense dòmna ren non val
Pet de conilh nimai gal !
Amic Xaví sense espèra,
Ben te dirai çò que n'èra :
De Delpastre la votz sàbia,
De Filadeèlfa la ràbia
E de tant de dòmnas candas
Sue fan nòstras tèrras grandas
Legissi l'anma bragarda.
Ca loisa Paulin nos garda
D'oblidar que la patria,
E mai siá de l'escriure,
Nos es aitant plan matria :
Sense dòmnaz, qué val viure ?
Legirai a la font druda
Lo sen de lor canta nuda.
Sense dòmna ren non val
Pet de conilh nimai gal !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari