Actualitats
Bernat Molin nos a quitat
Matematician e lingüista especializat en lexicografia e gramaticografia, nos daissa de publicacions preciosas sus la lenga occitana
Lo lingüista e matematician provençal Bernat Molin nos quitèt dijòus passat a l'edat de 72 ans, çò raporta l’Institut d’Estudis Occitans de Provença en tot precisar que lo coronavirus n’i a pas agut res a veire.
Especializat en lexicografia e gramaticografia, Bernat Molin participèt a l’elaboracion d’una gramatica provençala en 1998 e publiquèt en 2006 una autra gramatica sus l’occitan del país d’Aubenàs. Membre del conselh lingüistic del Congrès Permanent de la Lenga Occitana, se n’es anat en daissant de publicacions preciosas qu’ajudan a ensenhar e a preservar l’occitan.
Molin es partit dins un temps de confinament ont las funeralhas son plan frejas. Pr’aquò, quand la crisi sanitària actuala serà acabada, d’omenatges li seràn faches. Dins aquel sens, l’Assemblada Occitana es a preveire un omenatge a Bernat Molin a Ais de Provença.
Especializat en lexicografia e gramaticografia, Bernat Molin participèt a l’elaboracion d’una gramatica provençala en 1998 e publiquèt en 2006 una autra gramatica sus l’occitan del país d’Aubenàs. Membre del conselh lingüistic del Congrès Permanent de la Lenga Occitana, se n’es anat en daissant de publicacions preciosas qu’ajudan a ensenhar e a preservar l’occitan.
Molin es partit dins un temps de confinament ont las funeralhas son plan frejas. Pr’aquò, quand la crisi sanitària actuala serà acabada, d’omenatges li seràn faches. Dins aquel sens, l’Assemblada Occitana es a preveire un omenatge a Bernat Molin a Ais de Provença.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Bernat Molin èra un grand lingüista, un grand matematician, un grand occitan, un grand provençau e un ciutadan eminent d'Ais de Provença. Son òbra lingüistica e pedagogica es d'una qualitat excepcionala. Sa despartida nos entristesís fòrça. Caudrà entretenir sa memòria e valorizar son trabalh per lei generacions futuras.
Una ben trista nòva. Encara un obrièr que nos daissa tròp d'ora.
Que repause en patz e que la sieu preciosa òbra contunhe de nos servir e ne pòsca far nàisser d'autras.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari