Manuel Valls torna a l’estat francés e o fa a la television. L’emission de telerealitat e musica nomenada The Voice: La Plus Belle Voix l’a engatjat coma jurat e entraïnaire dels participants.
 
La darrièra sason d’aquela emission mostrèt d’audiéncias en larga bassa l’an passat, e la produccion decidiguèt de remplaçar son quatuor d’entraïnaires sonats coaches dins l’emission e d'efectuar d’autres grands cambiaments coma la supression de cèrtas règlas. Aqueste còp, al costat dels musicians Amel Bent, Pascal Obispo e Lara Fabian, lo politician francocatalan Manuel Valls entraïnarà los participants a la mesa en scèna.
 
TF1 a anonciat d’emissions mai cortas e una ssaison pus corta mas promet de bèlas suspresas pels dirèctes. Per la semifinala que determinarà los quatre finalistas, solament lo public los poirà causir, çò que significa qu’un o plusors coaches se poiràn retrobar desprovesits de finalista. Enfin, los dirèctes se faràn dins una sala de concèrts a París.
 
En seguida de la situacion d’emergéncia sanitària que sèm a viure, las emissions en dirècte que se devián téner al mes d’abril son estadas reportadas a causa dels confinaments.



 

fffff		fffff
	Aquesta nòva es un peis d’abril.