Actualitats
Las Vegas: aculhisson las personas sens domicili fixe sul sòl d’un pargatge en plen aire
Segon las autoritats, s’agís de la melhora opcion car deguèron barrar una ostalariá amb 500 lièches en seguida de la deteccion d’un cas de Covid-19
Indignacion a Las Vegas (Estats Units) après que s’es abilitat, pendent la crisi sanitària provocada per la Covid-19, un pargatge en plen aire per aculhir las personas sens domicili fixe, obligats d’i dormir pel sòl. Segon las autoritats, se tracta de la melhora de las opcions car deguèron barrar una ostalariá amb 500 lièches en seguida de la deteccion d’un cas d’aquela malautiá.
Los imatges mòstran las personas a dormir pel sòl sens cap d’autra proteccion qu’una flaçada o un lençòl. Las autoritats asseguran que cada persona ten un espaci equivalent a una plaça de veitura per respectar la distància de besonh per evitar la propagacion del virus.
Aquelas personas son a dormir pel sòl del pargatge del Cashman Centre, un palais dels congrèsses que ten de centenats de salas, mas la comuna assegura que l’espaci de l’interior es reservat als espitals de la vila.
Se calcula que dins aquel estat, Nevada, i a environ 6500 sens domicili fixe.
Los imatges mòstran las personas a dormir pel sòl sens cap d’autra proteccion qu’una flaçada o un lençòl. Las autoritats asseguran que cada persona ten un espaci equivalent a una plaça de veitura per respectar la distància de besonh per evitar la propagacion del virus.
Aquelas personas son a dormir pel sòl del pargatge del Cashman Centre, un palais dels congrèsses que ten de centenats de salas, mas la comuna assegura que l’espaci de l’interior es reservat als espitals de la vila.
Se calcula que dins aquel estat, Nevada, i a environ 6500 sens domicili fixe.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Pareis d'un documental dels camps de concentracion nazis.
Cresiai qu'èra l'informacion del primièr d'abrial. Malurosament pas.
#1 Aquò dit, apareguèsse coma una necessitat practica, ne serián plan fotuts. E non gaire necessari d'èsser american per parcar las gents aital. Basta de veire cossí la França reçaupèt los republicans catalans, basques e espanhòls en 1939…
Las Vegas: aculhisson las personas sens domicili fixe sul sòl d’un parcatge en plen vent, eventualament en plena pluèja, eventualament a la raja del solelh, subre de quitran. Es escrit dessús, non s'agís d'aculhir, mas de parcar, e res mai.
Los vagamonds, los barrutlaires, los exiliats de l'òrdre social dominant, los fòrabandits e los mai grands perdents de la luta liberala de totes contra totes per se talhar la plaça son aquí parcats coma se parca de bestial al cortal, per conténer l'epidemia, un punt de vista pragmatic, cinic, racional, plan pensat : de pensada neoliberala americana. Òm acaba plan los cavals, non ?
E es aquesta ideologia qu'es a menar lo mond e qu'òm impausa a totes, pertot, inexorablament !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari