Actualitats
Los ciutadans de las Valadas seràn confinats fins al 13 d’abril
Lo govèrn italian a decidit d’esperlongar fins al diluns de Pascas l’embarrament per la crisi sanitària. Totun, los enfants se poiràn passejar cada jorn una ora per carrièras
E mai sapiam pas lo jorn qu’acabarà l’embarrament per la pandemia de Covid-19, los ciudatadans de las Valadas e de la Gàrdia si que sabon que deuràn demorar a lors ostals almens fins al 13 d’abril. Las autoritats italianas an decidit d’esperlongar lo confinament fins a aqueste diluns de Pascas, tretze jorns de mai que çò qu’èra previst, segon çò qu’a anonciat lo minitre de la santat, Roberto Speranza. “Volèm pas tombar dins d’optimismes facils que pòscan frustrar los sacrificis que se son faches”, çò diguèt, mas assegurèt que son “sus la bona draia”.
Lo govèrn de Giuseppe Conte a decidit tanben de permetre als enfants de se passejar per carrièras acompanhats del paire o de la maire, baste que las caminadas sián pas luènh del lotjament.
Itàlia compta gaireben 111 000 personas infectadas pel coronavirus dont lo nombre de mòrts se sarra dels 13 200. Totun, lo ritme de las infeccions es a davalar. almens en Lombardia, que foguèt lo fogal de pandemia dins lo país.
Lo govèrn de Giuseppe Conte a decidit tanben de permetre als enfants de se passejar per carrièras acompanhats del paire o de la maire, baste que las caminadas sián pas luènh del lotjament.
Itàlia compta gaireben 111 000 personas infectadas pel coronavirus dont lo nombre de mòrts se sarra dels 13 200. Totun, lo ritme de las infeccions es a davalar. almens en Lombardia, que foguèt lo fogal de pandemia dins lo país.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aquí cresi que s'acaba aquesta mala feta dia 12 d'abril qu' es (Pasco) Pasqua. Esperam poder anar a passetjar tots lo dia.
Itàlia compta gaireben 111 000 personas infectadas pel coronavirus dont lo nombre de mòrts se sarra dels 13 200. Totun, lo ritme de las infeccions es a davalar, almens en Lombardia, que foguèt lo fogal de pandemia dins lo país. Qui pòt creire que se d'aquí mièg d'abril demòran encara 40 000 personas infectadas, aquò non bastarà, acabat lo confinament, per tornar enançar una segonda epidemia ? Per que non torne una segonda èrsa d'epidemia, cal plan mai de subjèctes auto-imunizats (mercés a la malautiá qu i auràn subreviscut e que mai non la poiràn transmetre) que non pas de subjèctes encara vegres de tot contacte viral. E encara, aquò es estatisticament fòrça optimista. Los primièrs contaminants foguèron a pro pena un ponherat, e aquò a plan bastat per espandir lo desastre que sabèm. E mai se d'aquí a aquela data, lo nombre de mòrts jornadièr mèrma de mai de la mitat, los que i moriràn non ne seràn mens mòrts, ni los malauts mens patissents… En brac, non sèm encara tirats d'afar.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari