I a quaranta ans, l’escòla nos l’an barrada! I a mens de quaranta ans, la posta nos l’an tancada! L’especiariá nos l’an plegada! E pasmens d’aquel temps, la postièra èra pas especièra, e l’especièra èra pas postièra!
 
I a trenta ans, lo bar barrèt e lo car arrestèt de carrejar. Per te desplaçar, vai te passejar! Èra lo confinament larg. Que te larga e t’empacha de te deslargar!
 
Uèi sèm passats al confinament sarrat. Que te sarra e t’ensarra! Es una question de G. Amb un G. pas question de singer, la 4 G! Avèm la 3G quora n’a gost! E la live-beau quora n’a enveja!
 
Pensi als que vivon al confinh de la comuna, vòli parlar dels caussenards del Causse Mejan. Sul Causse, comptam pas en mètre mas en quilomètre! Amb mens d’un abitant al quilomètre carrat, son eles qu’an lo mai de meriti! S’ameritan la medalha d’aur del confinament!
 
Aprèp lo confinament larg, sarrat, passarem al confinament embarrat, barrats dins los ostals. Confits n’aurem lo conflitge. Solets, tot solets, tancats sus la cadièra darrièr la fenèstra, podrem totjorn espinchar las nívols, la mar, las montanhas, las pradas, los arbres, los rius, los aucèls, los parpalhons...
 
 Eles, totes ensems, nos diràn:
 
 “— Benlèu seriatz pas confinats, s’èretz pas con-finits!”
 
 
 
 
Andrieu Clement

 
 
 
 
 

---

Partejatz lo confinament amb la rèsta de legeires
 
Encoratjam nòstres legeires a nos mandar de tèxtes, de vidèos, d’imatges o d’àudios sus lors idèas de passar lo confinament. De partejar aqueles moments entre totes nos ajudarà a nos donar d’idèas los unes als autres, e nos coneisserem un pauc melhor.

 

fffff		fffff
	Cronicas de l'embarrament A l’iniciativa de sos legeires, Jornalet prepausa de mandar regularament la cronica d’un embarrament. Aquela cronica pòt èsser ficcionala o a mièjas reala, mas es una convidacion a un exercici literari. Daissatz  vòstra imaginacion s’exprimir en una lenga trabalhada, rafinada, afogada. I podètz apondre un imatge.   Los tèxtes seràn publicats regularament dins la seccion “Cronicas de l’embarrament”. Escrivètz a info@jornalet...

 
                                                                                                                                                      

fffff		fffff		fffff
	Lo confinament dels legeires de Jornalet
			Sès confinat a l’ostal? As, totun, de connexion a Internet? As de bonas idèas per passar lo temps? Jornalet demanda a sos legeires que partegen lors idèas e lor vida en confinament amb un messatge de tèxt, una fòto, un vidèo, un àudio o qué que siá que se pòsca publicar en linha e partejar amb los autres legeires.                           As bastit un castèl de carton pels enfants? Fas d’escalada dins la cosina? As organizat un concèrt per videoconferéncia? Tenes una vida sociala sus las fenèstras o los balcons? Fas d’espòrt a l’ostal? As de bons libres a nos recomandar? De bonas idèas per èsser tostemps de bona umor?
	Manda tos documents a info@jornale...                           Convivéncia e paratge en confinament.