La crisi sanitària que sèm a viure a causa de la pandemia de Covid-19 nos a portat d’imatges insolits, coma aqueste que se vegèt a la frontièra de Mexic e dels Estats Units lo 25 de març passat a Nogales (Sonora).
 
Un grop de nombroses ciutadans anèron blocar la termièra amb l’estat estatsunidenc d’Arizona per empedir que de ciutadans d'aquel país intrèsson en Mexic. “Demoratz a l’ostal”, çò disián los manifestants, que portavan de mascas qu’exigissián lo barrament de la frontièra, çò raportava El Diario de Sonora.
 
Los manifestants exigiguèron del president de Mexic, Andrés Manuel López Obrador, que restrenguèsse l’intrada dels ciutadans estatsunidencs que venon en Mexic per far de torisme, per crompar de potingas o de noiriduras. D’efièch, fòrça ciutadans estatsunidencs se son gandits en Mexic per far de crompas de panica davant la penúria dels supermercats e de las farmacias dels Estats Units. Coma en cò nòstre, lo mond crompèron compulsivament d’aiga, de papièr igienic, de pastas, de manjar en boita, de desinfectant de las mans...
 
“Es pas possible que travèrsen de ciutadans estatsunidencs, de compatriòtas; que son nòstra familha, son de fraires, mas malastrosament dins qualques estats d’aquel país creis enòrmament aquesta pandemia”, çò declarava un pòrtavotz de la protèsta al jornal adès mençonat.
 
 
 

Toman garita Puerta de #México; exigen medidas de seguridad por #Covid-19 en #Nogales, #Sonora Video: https://t.co/e0fufuRnqJpic.twitter.com/2E6U2vGMXG

— El Diario de Sonora (@eldiariodeson) March 26, 2020

 

Protestan en #Nogales para exigir se prohíba la entrada de extranjeros https://t.co/dWTcBVV4nPpic.twitter.com/zRHn7jmYLu

— La Jornada San Luis (@JornadaSanLuis) March 27, 2020