capçalera campanha

Actualitats

InternacionalPoliticaSocietat

Filipinas: se tua o s’embarra dins de gàbias de cans los que respèctan pas lo confinament

Las fòrças de l’òrdre devon fusilhar e tuar los que seràn pas en quarantena. Cap de govèrn del Mond i a reagit

| Eric Panisan / HRW
Lo controversiat president de las illas Filipinas, Rodrigo Duterte, a impausat una quarantena estricta dins lo país per luchar contra l’estenduda del coronavirus. Aquel confinament compren de punicions inumanas e las fòrças de seguretat an l’òrdre de fusilhar e de tuar las personas que respècten pas lo confinament. Curiosament, la mesura a pas provocat cap de reaccion internacionala.
 
Human Rights Watch denóncia que las personas que respèctan pas lo confinament son embarradas dins de gàbias de cans e daissadas pendent qualques oras jos lo solelh, ara qu’a las Filipinas s’atenh de temperaturas d’environ 40 grases.
 
Es lo primièr còp qu’una organizacion umanitària critica las politicas abusivas de Duterte, que, totun, es ja conegut per sa guèrra contra lo crime e lo delicte amb de metòdes brutals, en tot far destruire los veïculs de contranbanda o quitament en fasent tuar sens cap de jutjament de trafegaires de dròga.

 
 
 
 abonar los amics de Jornalet
 

 

Etiquetas

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

francesc palma
5.

Orror ! Dictaduras salvatges amb metodes brutals .

  • 1
  • 0
Mèfi! 31
4.

#2 "SE" es un pronom personal COD e non pas subjècte, que forma un vèrbi refleissit, e que remplaça la votz passiva. Es pas jamai un subjècte, emai dambe la viradura impersonala, tala coma:
" (aquò) se ditz que son malauts"
Aquì en títol, val mai dìser per fin d'evitar "òn': 'son tuats les que ..." o "tuan les que..."

  • 1
  • 5
Black Blòc Joe
3.

Human Rights Watch denóncia que las personas que respèctan pas lo confinament son embarradas dins de gàbias de cans e daissadas pendent qualques oras jos lo solelh, ara qu’a las Filipinas s’atenh de temperaturas d’environ 40 grases. Aital, al mens, se portavan lo virus abans d'acabar engabiats, lo se partejan frairalament !!! Aquí una politica sanitària que poiriá agradar a son eminéncia Castaner…

  • 6
  • 0
Joan Confins del món
2.

La diferéncia entre "se" e "Òm" es que dins "òm" l'autor de la frasa es inclús, e que sovent los locutors renaissentistas emplegan" òm" alluòc de "se" coma en franchimand.

  • 9
  • 2
Mèfi! 31
1.

Nòta gramaticala:
l'emplec corrèct de "se", en occitan, es tot parièr qu'en totas lengas romanicas, viradura refleissida, e que es pas tot e tot substituible ambel "on" francés, pronom subjèct.
Ex: Aquí se parla occitan # Aquí se parlaN occitan e catalan (inversion del subjèct)
Ex: òn tua les que respèctan pas le confinament.

  • 1
  • 18

Escriu un comentari sus aqueste article