Pendent aqueste temps de confinament a l’ostal la creativitat es a l’onor. Dins aquel sens, Eric Astié, après veire tant de mond a far de cançons sus la crisi del coronavirus a portat sa pèira en lenga nòstra, amb son accent gascon garonés e d’un biais subregascon: un rondèu ideal per dançar amb de paraulas simplas qu’es a l’encòp una “cançon de nau”.

E dau dins lo babau… Per parodiar pas las reflexions que gisclèron aprèp qualques jorns de paralisi economica mondiala e l’extasi de constatar la baissa (reala) de la pollucion ambientau: çò que los govèrns son pas estats capables de far dempuèi d’annadas, un pichon virus —mortal coma una gripa mas mortal ça que la— o ven de far en una setmanada! Evidentament quand daissam tota activitat polluidoira, l’atmosfèra e las aigas se purifican. Las relacions umanas se fan mai autenticas e los bracejaires (Je suis Sibeth) de mai en mai discrets.
 
Facebook e companhia tornan prene lo ròtle pel qual foguèron faits: la comunicacion entre umans e non pas amb de robòts de rantela. E justament los amics nòstres se fan un dever de WhatsAppejar tot videòt amusant, tot messatge umoristic sus l’endura que nos cal per despassar lo confinament. Mas òc umoristic, que los messatges estil: “Cal pas sortir aquò’s mal” en menaçar amb lo guinhaire provòcan pas qu’un pfff maucilhat. N’i a d’engèni dins tota crisi! Las cançonetas tanben circulan, mai que mai las musicas conegudas amb de paraulas de circonstàncias. Los cantaires celèbres, J.J. Goldmann, F. Cabrel e d’autres mens famoses o mai anomims. Una salsa parodiada me faguèt tilt, El Preso del colombian Wilson Saoko devenguda: “Oye coronavirus, ¡te hablo desde mi balcón!” d’una cantaira dont non sabi lo nom mas qui se tròba amb aise sus Youtube. En espanhòl solide. E en lenga nòstra de qué i a? Aquò me balhèt l’idea de portar ma pèira, mon grum de sal e de trobar una cançon originala e dançarèla. Un rondèu! Ideal per dançar, amb de paraulas simplas e qui cargan un messatge e la musica e un instrument d’acompanhament -que daissèri d’annadas a- e zo tè. Çò qui fa fraita aquò’s la qualitat d’enregistrament mas a la guèrra coma a la guèrra e s’agís pas de far del polit o de se pavonar. Doncas un coronarondèu liure de dreits, en gascon garonés que cal far dins l’autentic, coma diriá lo Marcèl Panhòl.

 

 
 
 
 
Eric Astié
 
 

 

---

Partejatz lo confinament amb la rèsta de legeires
 
Encoratjam nòstres legeires a nos mandar de tèxtes, de vidèos, d’imatges o d’àudios sus lors idèas de passar lo confinament. De partejar aqueles moments entre totes nos ajudarà a nos donar d’idèas los unes als autres, e nos coneisserem un pauc melhor.
 
 
                                                                                                                                                                                                                                                                                                                                                                                    

fffff		fffff		fffff
	Lo confinament dels legeires de Jornalet
			Sès confinat a l’ostal? As, totun, de connexion a Internet? As de bonas idèas per passar lo temps? Jornalet demanda a sos legeires que partegen lors idèas e lor vida en confinament amb un messatge de tèxt, una fòto, un vidèo, un àudio o qué que siá que se pòsca publicar en linha e partejar amb los autres legeires.                           As bastit un castèl de carton pels enfants? Fas d’escalada dins la cosina? As organizat un concèrt per videoconferéncia? Tenes una vida sociala sus las fenèstras o los balcons? Fas d’espòrt a l’ostal? As de bons libres a nos recomandar? De bonas idèas per èsser tostemps de bona umor?
	Manda tos documents a info@jornale...                           Convivéncia e paratge en confinament.

 

 

fffff		fffff
	Cronicas de l'embarrament A l’iniciativa de sos legeires, Jornalet prepausa de mandar regularament la cronica d’un embarrament. Aquela cronica pòt èsser ficcionala o a mièjas reala, mas es una convidacion a un exercici literari. Daissatz  vòstra imaginacion s’exprimir en una lenga trabalhada, rafinada, afogada. I podètz apondre un imatge.   Los tèxtes seràn publicats regularament dins la seccion “Cronicas de l’embarrament”. Escrivètz a info@jornalet...