Doas personas mòrtas e d’autras sèt nafradas es lo tragic bilanç d’una ataca amb un cotèl que se tenguèt dissabte passat a Rumans (Valentinés). L’assalhidor, un òme de 33 ans, l’arrestèron après lo crime e lo parquet antiterrorista es a determinar se se poiriá tractar d’un atemptat jihadista. Quatre de las personas nafradas se tròban dins una situacion de gravetat extrèma.
 
Lo criminal comencèt son ataca devèrs 11h dins un burèu de tabac en escotelant lo proprietari e dos clients, dont un foguèt tuat. Puèi, l’agressor contunhèt devèrs lo centre vila. Aquí agarriguèt lo mond qu’anava far sas crompas e tuèt un maselièr de la vila.
 
L’assassin es un sodanés demandaire d’asil qu’aviá lo permés de residéncia dins l’estat francés dempuèi 2017. Èra pas conegut de la polícia ni dels servicis secrets. La polícia a tanben arrestat son colocatari.
 
Segon qualques testimònis, l’òme auriá proferits de crits en arabi en disent “Dieu es grand”, un biais de procedir comun demest los terroristas jihadistas. A mai, segon BFM TV, quand la polícia l’arrestèt, l’agressor èra de genolhs a recitar de pregàrias en arabi.
 
Segon los primièrs elements de l’enquista, “es evident un percors assassin determinat que cercava de perturbar grèvament l’òrdre public per mejan de l’intimidacion e la terror”.
 

Two dead, several injured after knife attack in Romans-sur-Isere#Francepic.twitter.com/380wfAMFY2

— Ruptly (@Ruptly) April 4, 2020

 

Drôme: "Il a attrapé un couteau pour attaquer un client", explique Ludovic, boucher à Romans-sur-Isère pic.twitter.com/cVd9fp7pDI

— BFMTV (@BFMTV) April 4, 2020

 

Attaque au couteau à Romans-sur-Isère: le point sur l'enquêtehttps://t.co/aoYjgYDRz5pic.twitter.com/b4QxCgLn5k

— BFMTV (@BFMTV) April 5, 2020

 
 
Mentretant, a Madrid, la polícia detenguèt un òme amb dos sabres qu’aviá ensajat d’atacar los agents que patrolhavan per carrièras.
 
 

En mi barrio se le está empezando a ir la cabeza a la gente pic.twitter.com/8qyP60SUw3

— don_puente (@don_puente) April 3, 2020