Actualitats
Turquia: se crenh per la vida dels avocats encarcerats en cauma de la fam
Eles, e “de milièrs de presonièrs politics” son excluses de las mesuras per evitar l’espandiment del coronavirus dins las presons, çò denóncia la ÇHD
Uèch avocats de l’Associacion dels Avocats Progressistas (ÇHD), dont lo president d’aquesta associacion, son encarcerats en Turquia. Quatre d’eles son estats en cauma de la fam. S’agís d’Ebru Timtik e d’Aytaç Ünsal, en cauma dempuèi tres meses, e d’Oya Aslan e de Barkın Timtik, en cauma eles dempuèi mai d’un mes, segon çò que rapòrta l’agéncia de premsa curda ANF.
Segon un comunicat publicat per la ÇHD, tant sos sòcis coma de “milièrs de presonièrs politics” son excluses de la lei que prevei de liberar 90 000 presonièrs per evitar l’espandiment de la Covid-19 dins las presons. “A aquesta estapa, nòstres confraires, Ebru Timtik e Aytaç Ünsal, an decidit que lor cauma de la fam venga una mòrt rapida. Sèm inquiets e, mai qu’aquò, sèm en colèra”.
Segon un comunicat publicat per la ÇHD, tant sos sòcis coma de “milièrs de presonièrs politics” son excluses de la lei que prevei de liberar 90 000 presonièrs per evitar l’espandiment de la Covid-19 dins las presons. “A aquesta estapa, nòstres confraires, Ebru Timtik e Aytaç Ünsal, an decidit que lor cauma de la fam venga una mòrt rapida. Sèm inquiets e, mai qu’aquò, sèm en colèra”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Què es pot dire un estat tan vergonhós coma Turquia. L'UE e los EEUU an de presionar lo per què posi en libertat als advocats en vaga de fam e que se respecten sos Drets Humans. Quin orror !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari