Qual sap? Benlèu qu’en decembre de 2020, poiriam escriure:

En abril, sabiam pas pus ont botar los malauts del Coronavirus. Totes los espitals de França èran comols, subrecargats! D’aquel temps, dins los ostals, a mai d'un mèstre l’un de l’autre, sens se potonejar, sens s’abraçar, los confinats fasián tricon-triqueta! E ara, en decembre, assistissèm a una espelida de nenòtas e nenons jamai vista. Una epidemia! Una pandemia! A l’ora d’ara, totes los espitals son venguts maternitats e mai de 100 mila nenons espelisson cada jorn! Pas una plaça de liura! Metges, infirmièras, ajudasonhantas sabon pas ont virar lo cap!
 
Maternitats-espitals son talamai confles, que a calgut requisionar e maternitalizar 20 TGV OUI-GO, per desplaçar mamàs e nenons de Colmer a Bordèu. Los papàs arribaràn quora podràn! Es un avion militari qu’a desplaçat un trentenat de mamàs prestas a s’ajaçar en Alemanha! Un elicoptèr Puma a cargat tres mamàs de Metz per las menar a Kemper. Mas an pas agut lo temps d'i arribar! Doas nenòtas e un nenon an espelit dins l’elicoptèr. Se son enlairats a uèch e an aterrat a onze!
 
Son pas de masquetas que mancan los sonhants, son de braionetonas —des couches— pels nenons e nenòtas. Pareis que n’avián un milion en resèrva mas foguèron flambadas en una setmana! L’usina Pampers trabalha jorn e nuèch mas ne manca totjorn. Aürosament que la China es aquí per velhar, non! per aprovisionar! Coquinassa! Ièr, per manca de papièr igienic, èrem dins la mèrda. Uèi, per manca de braionetonas, i sèm totjorn!
 
Manca granda de tetarèls! de biberons! Pasmens aver de tetarèls en resèrva dins las maternitats es lo “B-A-BÀ!” Cal requisionar totas las botelhas de bièrra, far beure la bièrra als papàs e a las mamàs, emplir aqueles botelhons de lach e, un còp emplits, los tapar amb un pelhon per far lo gota a gota! Del temps que los nenons chucan lo pelhon, Corona, Heineken, Karlsberg... se fretan las babinas!
 
E parlem pas dels brèces! Manca granda de brèces dins totas las maternitats! Los papàs e las mamàs son arreduches de téner los pichonets dins lors braces jorn e nuèch! Totes los brèces que dormissián al fons dels galatrasses tornan prene de servici! En plastic, en fèrre, en bòsc, tot fa brèç! Las vièlhas panièiras son tanben de sortida! L’armada francesa a requisicionat sos lièches Picot. La generacion Corona arriba!
 
Lo responsable d’aquelas naissenças espectaclosas de nenons e de nenòtas, lo coneissètz! Lo coneissètz? Sens el, la vida auriá pas ganhat sus la mòrt! A mai se nos a engarçat bravament, d’aquò lo mercejarem jamai pro!
 
La vida es mai fòrta que la mòrt!
 
 
 
Clamenç
Umorista occitan


 

 

---

Partejatz lo confinament amb la rèsta de legeires
 
Encoratjam nòstres legeires a nos mandar de tèxtes, de vidèos, d’imatges o d’àudios sus lors idèas de passar lo confinament. De partejar aqueles moments entre totes nos ajudarà a nos donar d’idèas los unes als autres, e nos coneisserem un pauc melhor.
 
 
                                                                                                                                                                                                                                                                                                                                                                                    

fffff		fffff		fffff
	Lo confinament dels legeires de Jornalet
			Sès confinat a l’ostal? As, totun, de connexion a Internet? As de bonas idèas per passar lo temps? Jornalet demanda a sos legeires que partegen lors idèas e lor vida en confinament amb un messatge de tèxt, una fòto, un vidèo, un àudio o qué que siá que se pòsca publicar en linha e partejar amb los autres legeires.                           As bastit un castèl de carton pels enfants? Fas d’escalada dins la cosina? As organizat un concèrt per videoconferéncia? Tenes una vida sociala sus las fenèstras o los balcons? Fas d’espòrt a l’ostal? As de bons libres a nos recomandar? De bonas idèas per èsser tostemps de bona umor?
	Manda tos documents a info@jornale...                           Convivéncia e paratge en confinament.

 






 

fffff		fffff
	Cronicas de l'embarrament A l’iniciativa de sos legeires, Jornalet prepausa de mandar regularament la cronica d’un embarrament. Aquela cronica pòt èsser ficcionala o a mièjas reala, mas es una convidacion a un exercici literari. Daissatz  vòstra imaginacion s’exprimir en una lenga trabalhada, rafinada, afogada. I podètz apondre un imatge.   Los tèxtes seràn publicats regularament dins la seccion “Cronicas de l’embarrament”. Escrivètz a info@jornalet...