Los ministres de l’economia e las finanças de la zòna èuro se son pas meses d’acòrdi après una reünion de 16 oras que finiguèt ièr. Arriban pas s’endevenir suls mejans d’accedir als fonzes europèus del Mecanisme Europèu d’Estabilitat (MÈE), ni mai sus l’emission de deute conjonch per afrontar la crisi economica qu’es la consequéncia de la crisi sanitària de la Covid-19. Las diferéncias principalas son entre los ministres d’Itàlia e dels Païses Basses. Itàlia insistís que vòl pas cap de condicion per accedir al MEE del temps que los neerlandeses vòlon pas ausir a parlar de partejar de risques e exigisson de condicions per accedir al MÈE.
 
Uèi, se reünisson encara un còp per ensajar de desblocar una seguida de mesuras per tal d’aleugerir la repercussion economica de la pandemia.
 
Segon lo president de l’Eurogrop, lo portugués Mário Centeno, e mai sián son pas pervenguts un acòrdi, uèi contunha la discussion. “Ma tòca es totjorn la meteissa: un ret fòrt per l’UE contra los efièches de la Covid-19 per protegir los trabalhadors, las entrepresas e los païses e s’engatjar a un copiós plan de recuperacion”.
 
 
 

After 16h of discussions we came close to a deal but we are not there yet.
I suspended the #Eurogroup & continue tomorrow, thu.
My goal remains: A strong EU safety net against fallout of #covid19 (to shield workers, firms &countries)& commit/ to a sizeable recovery plan pic.twitter.com/kGHoURgdrv

— Mário Centeno (@mariofcenteno) April 8, 2020