Lo confinament dels umans dins nòstres ostals a fach fòrça davalar la pollucion e la natura o es a mercejar. D’efièch, la fòrta davalada de veituras, vaissèls e avions a daissat l’aire mai net e la fauna e la flòra son a recuperar d’espacis qu’avián perduts. Dins aquel sens, dimarts passat se poguèt observar dos rorquals al larg de las calancas de Marselha.
 
Lo rorqual comun es lo segond animal pus grand del Mond après la balena blava. Fa de 15 a 20 mètres de long e pesa entre 50 e 70 tonas.
 
Lo litoral provençal aviá vist aquestes jorns mai de daufins e de bancs de ton. Ara France Bleu Provence rapòrta que s’es avistat de dos rorquals comuns, un rescontre “fòrça rar” segon Didier Réault, president del Pargue Nacional de las Calancas. “Es pas qu’aqueleis espécias agan desparegut, es qu’en temps normau d’activitat, leis espécias an tendéncia a s’escondre, a èstre mai crentosas. Aquela biodiversitat se mòstra au grand jorn uei perque es tranquilla e serena”, çò precisa Réault.
 

2 rorquals ont été observés dans le @ParcCalanque
Des images rares capturées par la patrouille ULAM13. Cette observation du 2ème plus grand animal au monde est un indice de + sur un potentiel effet du confinement sur le comportement de la faune sauvage. https://t.co/YWPadL0DXHpic.twitter.com/YnpbaOBEgC

— Parc des Calanques (@ParcCalanques) April 8, 2020