Dins l’òbra abondosa de la Talvera, se trapa tres albums libres CD de contes pels enfants (Lo pastre, lo caramèl e la sèrp; L’eretatge del paire; La ronda del Diable ) amb tota la qualitat sonòra e lingüistica del grop.

Potinga del confinament
 
En aquestes tempses de confinament, fòrts d’aquelas realizacions, Danièl Loddo e Celina Ricard respondèron sul pic a la crida lançada pel Joan-Francés Albèrt, director de la calandreta de Ciutat (Carcassona), per aver de material novèl en son e en imatges per noirir los calandrons del temps d’escòla forçada a l’ostal.
 
Aquesta responsa se tradusís per aqueles dos contes que podètz escotar ligats a aqueste article e que, fin finala, s’adreiçan a totes, pichons e grands, dels nenons als papetas e mametas.
 
 
La rata malastruga e lo grelh que fa lo bèl
 
D’una part, avèm lo drama de La rata dins l’ola: un conte-passejada ont d’episòdis s’apialan amb cada novèl eveniment que fa remontar a la debuta de l’istòria. L’originalitat e la noveltat de l’enregistrament es de fornir la version contada amb totes los elements constitutius d’un raconte (de la dobertura a la formula finala) mas tanben una version cantada.

 

Lo segond conte, La guèrra del grelh, es una illustracion bèla de la formula de la saviesa populara: “Val mai un pichon desgordit qu’ un grand estabosit”. L’aire de res, Danièl Loddo plaça qualques mots d’actualizacion de l’istòria per interpelar l’auditòri.
 
 
 

Perpetuitat e calendièr perpetual
 
En aqueste temps, ont serem benlèu condemnats al confinament a perpetuitat, podètz tanben noirir vòstre imaginari en virant cada jorn una pagina del calendièr perpetual de la Talvera consacrat als territòris de la region Occitània.

 


 
E cric, e crac…
 
 
 
Alan Roch
 
 
 
 

---

Partejatz lo confinament amb la rèsta de legeires
 
Encoratjam nòstres legeires a nos mandar de tèxtes, de vidèos, d’imatges o d’àudios sus lors idèas de passar lo confinament. De partejar aqueles moments entre totes nos ajudarà a nos donar d’idèas los unes als autres, e nos coneisserem un pauc melhor.
 
                                                                                                                                                                                                                                                                                                                                                                                    

fffff		fffff		fffff
	Lo confinament dels legeires de Jornalet
			Sès confinat a l’ostal? As, totun, de connexion a Internet? As de bonas idèas per passar lo temps? Jornalet demanda a sos legeires que partegen lors idèas e lor vida en confinament amb un messatge de tèxt, una fòto, un vidèo, un àudio o qué que siá que se pòsca publicar en linha e partejar amb los autres legeires.                           As bastit un castèl de carton pels enfants? Fas d’escalada dins la cosina? As organizat un concèrt per videoconferéncia? Tenes una vida sociala sus las fenèstras o los balcons? Fas d’espòrt a l’ostal? As de bons libres a nos recomandar? De bonas idèas per èsser tostemps de bona umor?
	Manda tos documents a info@jornale...                           Convivéncia e paratge en confinament.

 
 

fffff		fffff
	Cronicas de l'embarrament A l’iniciativa de sos legeires, Jornalet prepausa de mandar regularament la cronica d’un embarrament. Aquela cronica pòt èsser ficcionala o a mièjas reala, mas es una convidacion a un exercici literari. Daissatz  vòstra imaginacion s’exprimir en una lenga trabalhada, rafinada, afogada. I podètz apondre un imatge.   Los tèxtes seràn publicats regularament dins la seccion “Cronicas de l’embarrament”. Escrivètz a info@jornalet...