capçalera campanha

Actualitats

InternacionalPoliticaSocietat

Grècia: la crisi sanitària dins los camps de refugiats ven insuportabla

Quand la drecha arribèt al poder retirèt la seguretat sociala dels refugiats en daissant los enfants sens vaccins e los malauts cronics sens tractament

| Anna Pantelia / MSF
Los refugiats son los grands desmembrats de la crisi santiària de la Covid-19. Lo camp de refugiats de Mòria, dins l’illa grèga de Lèsbos, es un exemple de çò que se viu en tant d’autres camps. De familhas entièras son embarradas dins de tendas precàrias de 3 m2, al costat d’escobilhas que degun lèva pas. I a un sol robinet d’aiga per cada 1300 personas, de comuns per cada 167 e una docha per cada 200.
 
Mòria es un camp pensat per aculhir tres mila personas, mas a l’ora d’ara n’i a 20 000. Compta solament tres mètges, çò denóncia Mètges Sens Frontièras (MSG). De fach, quand la drecha arribèt al poder en Grècia, l’estiu passat, lo govèrn retirèt la seguretat sociala dels refugiats en daissant los enfants sens vaccins e los malauts cronics sens tractament.
 
Abans que se decretèsse lo confinament per tota la populacion, lo govèrn grèc impausèt de nòrmas sevèras als camps de refugiats a causa de la crisi santiària de la Covid-19. Tot lo mond deu demorar dins sa tenda de 19h a 7h, de 7h a 19h sonque un membre de la familha pòt sortir. A mai, l’ajuda de 19 èuros mesadièrs que l’ÒNU donava als sollicitaires d’asil es estada retenguda per paur que los migrants vesiten las bancas de la vila de Mitilena. Aquela decision a portat de tensions e de susmautas.
 
Lo 9 de març passat, lo govèrn alemand prepausèt d’aculhir 400 menors non acompanhats d’aquel camp. Las autoritats grègas deviá decidir quals. Mas an pas res dich. Las organizacions umanitàrias crenhon que grècia vòlga crear una situacion insuportabla dins aquel camp per descoratjar las arribadas d’autres refugiats.
 
 
 
 
 
 
 
 
 
 
 
 
abonar los amics de Jornalet
 
 

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: SIDILLÀ

Comentaris

Franc Bardòu
2.

#1 Lordassatz lo nom de l'estoïcian Marc-Aurèli. De pensadas aital, las podètz gardar per vos-meteis… Aviatz besonh dels nòstres amics e aligats Bretons ? Son totes de refugiats, a l'origina… O sabètz, supausi. E quantes refugiats, dins las brancas sense mesura de las nòstras genealogias respectivas (e lèu o tard comunas) ? Los que los aculhiguèron, foguèsse estats coma vos, non seriatz pas aquí a gastar lo nom d'un estoïcian.

  • 13
  • 3
Marcus Aurelius
1.

Avèm pas besonh d'eles en Euròpa, pòdon rentrar dins lors païses, bensai que lor situacion serà melhora ansin (çò qu'es segur es que nosautres anarem mielhs sens eles).

  • 2
  • 15

Escriu un comentari sus aqueste article