Actualitats
Los Estats Units an decidit de privatizar la Luna en plena crisi sanitària
Trump a signat un òrdre executiu per prene posession de l’espaci exterior e l’espletar amb de tòcas comercialas
Los Estats Units an privatizat la Luna en plena crisi santiària. Mentre que totòm es confinat a l’ostal e que la planeta lucha contra una pandemia, lo president dels Estats Units, Donald Trump, a signat un òrdre executiu per dispausar de l’espaci exterior.
Amb aquel òrdre, Trump contraven al Tractat de la Luna de 1979 qu’atribuissiá a la jurisdiccion internacionala totes los còrses celèstes e lors orbitas. Mas Trump justifica sa decision car per el las societats comercialas son descoratjadas de participar a l’esplecha de la Luna e de l’espaci a causa de “l’incertitud sul drech de recuperar e utilizar las ressorsas espacialas, inclusa l’extension del drech a la recuperacion comerciala e a l’emplec dels recorses lunars”.
Segon lo document de l’Ostal Blanc, “l’espaci exterior es un domeni legal e fisicament unic de l’activitat umana, e los Estats Units o veson pas coma un plan comun global”. L’administracion Trump assegura que l’espaci es una font inagotabla de ressorsas e suls asteroïdes se pòt trobar de materials escasses coma lo palladi, lo platin, lo liti per la fabricacion dels telefòns mobils o ben de l’èli 3, un isotòp que n’i a fòrça sus la Luna e que poiriá ajudar a crear la fusion nucleara establa, çò que considèran coma “una solucion” per l’energia de “la civilizacion”.
Un “ensag de s’apropriar l’espaci”
L’agéncia espaciala russa, Roscosmos, a criticat fòrtament aquela mesura. Dison qu’es un “ensag de s’apropriar de l’espaci”. Segon son vicedirector general, Sergei Saveliev, “las temptativas d’expropriar lo còsmos e los plans agressius de s’apropriar los territòris d’autras planetas pòdon dificilament encoratjar los autres païses a cooperar de manièra fruchosa”.
Amb aquel òrdre, Trump contraven al Tractat de la Luna de 1979 qu’atribuissiá a la jurisdiccion internacionala totes los còrses celèstes e lors orbitas. Mas Trump justifica sa decision car per el las societats comercialas son descoratjadas de participar a l’esplecha de la Luna e de l’espaci a causa de “l’incertitud sul drech de recuperar e utilizar las ressorsas espacialas, inclusa l’extension del drech a la recuperacion comerciala e a l’emplec dels recorses lunars”.
Segon lo document de l’Ostal Blanc, “l’espaci exterior es un domeni legal e fisicament unic de l’activitat umana, e los Estats Units o veson pas coma un plan comun global”. L’administracion Trump assegura que l’espaci es una font inagotabla de ressorsas e suls asteroïdes se pòt trobar de materials escasses coma lo palladi, lo platin, lo liti per la fabricacion dels telefòns mobils o ben de l’èli 3, un isotòp que n’i a fòrça sus la Luna e que poiriá ajudar a crear la fusion nucleara establa, çò que considèran coma “una solucion” per l’energia de “la civilizacion”.
Un “ensag de s’apropriar l’espaci”
L’agéncia espaciala russa, Roscosmos, a criticat fòrtament aquela mesura. Dison qu’es un “ensag de s’apropriar de l’espaci”. Segon son vicedirector general, Sergei Saveliev, “las temptativas d’expropriar lo còsmos e los plans agressius de s’apropriar los territòris d’autras planetas pòdon dificilament encoratjar los autres païses a cooperar de manièra fruchosa”.
Trump signs executive order to support moon mining, tap asteroid resources https://t.co/Hs2NKuhpFjpic.twitter.com/bXM0RAYPff
— SPACE.com (@SPACEdotcom) April 6, 2020
Trump calls for U.S. business interests to mine the moon. https://t.co/YWqiN3vBzs
— USA TODAY (@USATODAY) April 9, 2020
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La Luna apartèn ai colhons! Se ditz "Colhon de la Luna", non?
La luna es dels ET, que ja veien que los iancos volien posar solament missils e militarizar l'espaci per far la guerra a Russia e Xina.
#1 M'agradaria... Ailàs, es tant tòti aquèu que non podem asperar tròp...
#1 M'agradaria... Ailàs, es tant tòti aquèu que non podem asperar tròp...
Es una galejada tardièra del 1er d'abril ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari