La societat Electricitat de França (EDF) a anonciat aqueste dijòus passat que prevei de suspendre temporàriament plusors reactors nuclears a causa de la crisi sanitària, çò rapòrta Le Figaro. “L’alentiment de l’economia se tradutz per una baissa del consum d’electricitat fins al 20% dels nivèls abituals, çò que mena a una diminucion de l’utilizacion de las centralas”, çò ditz lo comunicat d’EDF. A mai, assegura qu’atal s’economiza lo combustible per assegurar “l’aprovisionament en electricitat pendent l’ivèrn 2020-2021”.