Actualitats
Lo Conselh d’Euròpa e l’ELEN reclaman que los estats incorporen las lengas minorizadas dins la comunicacion sul coronavirus
Lo ret associatiu presentarà un rapòrt sus las violacions dels dreches lingüistics pendent la crisi
Lo Conselh d’Euròpa e lo Ret Europèu per l’Egalitat Lingüistica (ELEN) an demandat als estats europèus qu’incorporen las lengas minorizadas dins lors comunicacions sus la crisi del coronavirus.
Lo Conselh d’Euròpa a emés un comunicat que soslinha que la “comunicacion de las recomandacions pertinentas” en lengas minorizadas es “d’importància maximala pel benèsser” de lors locutors.
Lo Conselh planh que los govèrns centrals, fins ara, “an pas partejat sistematicament l’informacion, las instruccions, las directivas o las recomandacions en d’autras lengas que l’oficiala del país”.
L’organizacion tanben deplora que “dins la majoritat dels cases” los estats qu’an emplegat la television o Internet per emetre de contenguts educatius, o an fach “en se limitant a la lenga o las lengas oficialas, sens considerar los besonhs dels escolans que recebon abitualament lor educacion en lengas regionalas o minoritàrias”. Aquò, çò ditz lo Conselh d’Euròpa, “non va pas solament contra las garentidas de la Carta [Europèa de las Lengas Regionalas o Minoritàrias], mas es tanben discriminatòri”.
De son costat, l’ELEN a jonch lo Conselh d’Euròpa en aquelas demandas e a anonciat que sas organizacions membres reculhisson “ de donadas” sus son respècte, o non, de part dels païses europèus. “Las donadas amassadas seràn compiladas dins un rapòrt pel Conselh d’Euròpa e las institucions europèas”, çò ditz lo ret d’entitats.
Lo Conselh d’Euròpa es una organizacion internacionala que reünís gaireben totes los estats del continent. Demest sas foncions i a la promocion dels dreches umans e dels dreches de las minoritats.
Lo ret ELEN amassa 166 organizacions per la defensa de divèrsas lengas minorizadas d’Euròpa.
Aquesta nòva es adaptada de Nationalia amb qui Jornalet ten un acòrdi de cooperacion.
Lo Conselh d’Euròpa a emés un comunicat que soslinha que la “comunicacion de las recomandacions pertinentas” en lengas minorizadas es “d’importància maximala pel benèsser” de lors locutors.
Lo Conselh planh que los govèrns centrals, fins ara, “an pas partejat sistematicament l’informacion, las instruccions, las directivas o las recomandacions en d’autras lengas que l’oficiala del país”.
L’organizacion tanben deplora que “dins la majoritat dels cases” los estats qu’an emplegat la television o Internet per emetre de contenguts educatius, o an fach “en se limitant a la lenga o las lengas oficialas, sens considerar los besonhs dels escolans que recebon abitualament lor educacion en lengas regionalas o minoritàrias”. Aquò, çò ditz lo Conselh d’Euròpa, “non va pas solament contra las garentidas de la Carta [Europèa de las Lengas Regionalas o Minoritàrias], mas es tanben discriminatòri”.
De son costat, l’ELEN a jonch lo Conselh d’Euròpa en aquelas demandas e a anonciat que sas organizacions membres reculhisson “ de donadas” sus son respècte, o non, de part dels païses europèus. “Las donadas amassadas seràn compiladas dins un rapòrt pel Conselh d’Euròpa e las institucions europèas”, çò ditz lo ret d’entitats.
Lo Conselh d’Euròpa es una organizacion internacionala que reünís gaireben totes los estats del continent. Demest sas foncions i a la promocion dels dreches umans e dels dreches de las minoritats.
Lo ret ELEN amassa 166 organizacions per la defensa de divèrsas lengas minorizadas d’Euròpa.
Aquesta nòva es adaptada de Nationalia amb qui Jornalet ten un acòrdi de cooperacion.
Qué ei eth #coronavirus SARS-CoV-2?
— Salut (@salutcat) March 6, 2020
Se cres que pòs èster afectat peth coronavirus SARS-CoV-2, telefòna tath 061 Salut Respon a on t’informaram de qué as de hèr @occitan_aranes@conselharan@EnAranespic.twitter.com/PUsDT65Z6E
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo Conselh d’Euròpa e l’ELEN reclaman que los estats incorporen las lengas minorizadas dins la comunicacion sul coronavirus. Aurián melhor far de reclamar que los estats incorporen las lengas minorizadas dins la comunicacion ! E punt…
Yannick, un bernès que fa de masquetas amb de cauçetas...
https://www.midilibre.fr/2020/04/21/du-pq-et-une-chaussette-yannick-noah-devoile-sa-technique-pour-fabriquer-un-masque,8855982.php
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari