Actualitats
Espanha: la Gàrdia Civila perseguís las publicacions contràrias al govèrn espanhòl
Un corrièr intèrn d’aquel còrs demanda d’identificar de nòvas susceptiblas de crear “de desafeccion envèrs las institucions del govèrn”, durant la crisi de la Covid-19
Creis la polemica per la gestion que la fa lo govèrn espanhòl de la crisi sanitària. Dimenge passat, lo cap de la Gàrdia Civila assegurava que se perseguissiá las publicacions contràrias al govèrn espanhòl. Ièr dimars, los mèdias publicavan un corrièr intèrne d’aquel còrs que demandava als agents de perseguir las informacions falsas “susceptiblas de causar d’estransi social e de desafeccion envèrs las institucions del govèrn”.
Après las criticas de la centralizacion e la militarizacion de la gestion, dimenge passat lo cap de l’estat major de la Gàrdia Civila diguèt dins una conferéncia de premsa que trabalhan per “reduire tot aquel clima contrari a la gestion de la crisi pel govèrn” espanhòl.
Aquelas declaracions causèron una enòrma polemica dins los partits de l’oposicion e un grand malèsser dins los govèrns catalan e basco.
Ièr, la ràdio Cadena SER pubiquèt un corrièr interne de la Gàrdia Civila que confirmava aquelas declaracions. Lo corrièr en question demanda als agents de liurar cada divendres de donadas restacadas amb de campanhas de desinformacion per tal d’elaborar “un rapòrt monografic sus las accions de ciberseguretat restacadas a la Covid-19 per fin que siá abordat dins las reünions avenidoiras amb lo departament del Ministèri [de l’Interior]”.
Delà las nòvas falsas, lo corrièr reclama que s’amasse de donadas sus de denóncias per delictes informatics en relacion amb la crisi del coronavirus amb una amira judiciària que permeta de blocar o barrar de sits web o de perfils de rets socials.
Après las criticas de la centralizacion e la militarizacion de la gestion, dimenge passat lo cap de l’estat major de la Gàrdia Civila diguèt dins una conferéncia de premsa que trabalhan per “reduire tot aquel clima contrari a la gestion de la crisi pel govèrn” espanhòl.
Aquelas declaracions causèron una enòrma polemica dins los partits de l’oposicion e un grand malèsser dins los govèrns catalan e basco.
Ièr, la ràdio Cadena SER pubiquèt un corrièr interne de la Gàrdia Civila que confirmava aquelas declaracions. Lo corrièr en question demanda als agents de liurar cada divendres de donadas restacadas amb de campanhas de desinformacion per tal d’elaborar “un rapòrt monografic sus las accions de ciberseguretat restacadas a la Covid-19 per fin que siá abordat dins las reünions avenidoiras amb lo departament del Ministèri [de l’Interior]”.
Delà las nòvas falsas, lo corrièr reclama que s’amasse de donadas sus de denóncias per delictes informatics en relacion amb la crisi del coronavirus amb una amira judiciària que permeta de blocar o barrar de sits web o de perfils de rets socials.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Sabetz cossí revirèron en castelhan lo títol d’E. M. Remarque « A l’Oèst pas res de nòu » ?
« Pas res de nòu sul FRONT » ! (« Sin novedad en el frente »)
Efectivament : pas res de nòu dins las Espanhas !
Aqueste procès del confinament s'està fent non amb guant de seda coma fan los paisos democratics senon amb guant de ferro.
#2 Rotge, aqueste governament, respècte a çò qu'impausa encara a la Catalonha, coma lo manten en preison dels preisonièrs politics ? Non vesi çò qu'aquò pòt ben aver rotge… Es tant rotge coma Manolito Valls e F. Hollande, tè !
Fau veire que, despuèi lo promier jorn, li a un fum d'atacas generalas dei post-franquistas e neo-franquistas. Sus Twitter es un festenau subrerealista. E es clar que son pas criticas de fons, es un pretexte per destabilizar lo govern "rotge", amb quina causa que siegue.
Pòdi tamben imaginar que en fach la Gàrdia Civila es mai dau costat dau franquisme pusleu que dau costat dau govern "rotge".
Es a se demandar se l'estat "espanhòl" non a ja actat la sortida de crisi sanitària, desembocant subre una crisi economica e politica fasent espetar l'eurogrop e la moneda europèa. — las condicions impausada pels "rics" del nòrd essent vengudas insofriblas a los del sud. Tot dependrà, imagini, d'aqela "riquesa" del nòrd, que benlèu se va lèu abausar coma las del sud. Se s'abausa, poiriam negociar d'escafaments deutes, e tornar préner alen. Se non s'abausan pro, continuaràn sense pietat ni umanitat de senhorejar coma o faguèron davant la Grècia, çò que per ara sembla encara possible.
Los governants espanhòls se trobant alavètz forçats de quitar l'Euròpa per non pas endurar çò que foguèt escandalosament impausat a la Grècia, son benlèu ja a preveire un foncionament ulterior deliurat de tota pression internacionala, eticament autarcic, ont non aurián cap mai compte a rendre a degun, de ges de biais. La sideracion critica fasent la rèsta, s'imaginan aital constituïr un "estat autoritari" que semblaràn fòrça lo que provoquèt la Retirada e escanèt Catalans e Basques pendent decenias…
Simplament, me pausi la question…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari