En França, lo mestièr de guida, mai particularament de guida-conferencièr es pauc conegut. Mas es un mestièr que, per èstre exercit, necessita una carta professionala obtenguda aprèp una formacion. Amb aquela carta, se pòt far de vesitas guidadas dins de musèus, de vilas e de vilatges, o encara de sits toristics coma de castèls, d’abadiás o d’environaments mai naturals...
 
L’ofèrta de vesitas guidadas en França es fòrça variada amb d’activitats coma per exemple de jòcs de pista. Un guida deu parlar mai d’una lenga, e dins la magèr part d’entre eles, las lengas suplementàrias son l’anglés, l’espanhòl e l’alemand, per la compreneson d’un maximum de toristas estrangièrs. Mas, dins aquela ofèrta, l’occitan es pas o pauc mes endavant. Los problèmas son l’accessibilitat d’aquela mena de vesitas per los que comprenon pas la lenga, e tanben la manca crusèla de comunicacion a l’entorn d’aqueles projèctes. E es sovent a causa d’aquò que lo public es pas al rendètz-vos.
 
Pr’aquò, l’espaci d’òc possedís un patrimòni ric, e una istòria fòrça tintada dins la lenga occitana. Poiriá èstre interessant de desvolopar e de prepausar de vesitas en occitan, perque un public de locutors o de personas que comprenon la lenga existís, e mai la demanda d’aquela mena de prestacion siá flaca. Tanben una vesita guidada en occitan pòt ajustar al luòc presentat una atmosfèra mai autentica que lo metriá mai en valor. En mai d’aquò, seriá un biais de far viure la lenga de nòstre país e benlèu de la far descobrir als que vòlon o als curioses. Amb una bona publicitat e lo sosten d’organismes especializats, d’associacions o de mèdias, de vesitas en occitan poiriàn èstre organizadas e las escasenças de lor succès poirián èstre mai nautas. De mai, poiriá encoratjar de guidas de s’interessar a l’occitan, e los que parlan la lenga de se lançar dins aquel mena de projècte.
 
Doncas, s’un jorn ausissètz parlar d’una vesita guidada en occitan pas luènh de l’ostal, venètz nombroses!
 
 
 
 
Adrien Leydier
Estudiant a l’Universitat Pau Valèri

 
 

                                                                                                                                                                                                                                                                                                                                                                                                                                                                                                                 

fffff		fffff
	Jornalet a l'escòla                                    Jornalet a una seccion especifica sus l’escòla occitana. Nos agradariá fòrça que las escòlas, que sián de Calandretas o d’escòlas bilingüas, poguèsson emplenar elas meteissas aquesta seccion amb de nòvas, e que los quites escolans las poguèsson redigir en explicar los faches que fan l’actualitat dins cada escòla: una excursion culturala, la vesita d’una personalitat, una fèsta populara amb los parents, una competicion esportiva, etcetèra. Evidentament, las fotografias, los enregistraments o los imatges de vidèo seràn tras que benvenguts, se n’i a.                                    Se cada escòla nos manda quatre o cinc nòvas per an serem plan contents e satisfaches. Pensam que pòt èsser un bon ponch d’amassada per la comunautat educativa occitana, una iniciativa interessanta pels escolans e un esplech de socializacion lingüistica per las familhas dels escolans.                                    Esperam de poder comptar amb lo vòstre sosten, e esperam que Jornalet serà una aisina utila per las escòlas occitanas. Mandatz-nos las vòstras nòvas a info@jor…