Actualitats
Alchemia: una performança d’escultura de fuòc e de glaç
Lo plastician occitan Panda Châteaureynaud prepausa un rescontre efemèr de l’aiga e del fuòc en cèrca de “la beluga deu camin prometeïc”
Alchemia es lo nom del darrièr projècte artistic del plastician occitan Panda Châteaureynaud. Nascut a Bordèu e installat en Lodevés dempuèi un desenat d’ans e sortit del mond de l’espectacle en viu, l’artista prepausa una performança d’escultura dins una confrontacion als elements del fuòc e del glaç amb lo metal coma passaire.
Lo plastician definís son projècte coma “escultura de lutz” de manièra que la propagacion d’aquesta envasís l’espaci amb de jòcs de transparéncia e d’opacitat. Segon l’artista, s’agís del rescontre efemèr e esbleugissent de l’aiga e del fuòc, e cèrca “la beluga deu camin prometeïc”. A mai, revendica la poetica de l’accident o una experiéncia quimica azardosa que vòl partejar amb lo public.
La primièra experiéncia foguèt realizada lo 14 de setembre passat al lac del Salagon. Se tornarà produire en setembre que ven dins la version performança e tanben dins la version vidèo.
Per ne saber mai podètz consultar lo sit web del talhièr Opus Apus o mandar un messatge per e-mail a localuniversel@gmail...
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Interessant espectacle de foc e gel, dos elements que sembla oposats e qu' aquí resultan que crean una nova forma de belhesa, pas contradictoria senon augmentada e melhor.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari