Actualitats
Societat: nòva cançon d’Alidé Sans
Amb sa version occitana d’una cançon d’Eddie Vedder, Sans nos prepausa que profechem d'“aguesta oportunitat de transformacion” que la nos balha lo confinament
Alidé Sans ven d’enregistrar, de son confinament estant al vilatge de Bausen (Quate Lòcs), una version de la cançon Society d’Eddie Vedder. Traducha en occitan aranés per la quita cantadora e enregistrada amb lo sosten de Paulin Courtial e Johann Berger, Alidé Sans prepausa aquela cançon coma una reflexion pel moment que sèm a viure. “Demori que profitem d’aguesta oportunitat de transformacion entà caminar tà un futur mès austèr, sostenible e responsable damb eth collectiu, a on ajam coma premissa basica que nivèu de consum e qualitat de vida non son çò de madeish”, çò ditz.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Qu'aimi aquera votz, e aquera oersona, siam tanben nombrosi a pensar e sentir çò que ditz aquera canta.
Un prometedor futur li espera a Alidé, té una veu melodica e potent, es polida. Amb un pauc de mai d'assessorament d'imatge per conquistar lo gran public, de la cantant de lenga dels trobadors, podria arribar força lonh, ser una de las melhors cantants catalanoaranesas
Hèra bèra adaptacion! La situacion qu'ei inspiranta entaus artistas, e tant de bon! Per çò qui ei d'un cambiament màger per contre, que cau totun estar simplòt tà i créder...Avetz vist las estanças entà crompar un drive a mcdo?
Desesperant...
Alidè Sans a rason : s'avèm un avenir, passa per las creissençazs de las culturas, de las solideritats, e per la descreissença del consumerisme nèci, crestador e descabestrat. Çò vivent deu estar al centre de çò uman, e çò uman deu tornar al centre de tot projècte social e societal.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari