Actualitats
Tolosa: detenguda per una bandeiròla politica sus son ostal
Associacions, Liga dels Dreches de l’Òme, partits politics e sindicats d’obrièrs e d’estudiants denóncian una “polícia politica”
An detengut a Tolosa una gojata per aver penjat una bandeiròla ont èra escrich en francés “Macronavirus, quora s’acabarà?”. “L’an mesa en gàrdia a vista per otratge al cap de l’estat”, çò rapòrta France 3.
La bandeiròla èra plaçada al mur exterior de son ostal, dins lo quartièr tolosan de la Roseda. Just après sa mesa en plaça cresquèt considerablament lo passatge regular de veituras de polícia davant aquel ostal. De policièrs avián quitament interrogat una fornièra pròcha de l’ostal per li demandar se los qu’avián mes aquela bandeiròla èran d’esqüataires o de Gilets Jaunes.
Enfin, lo 21 d’abril passat, 5 policièrs se presentèron davant aquel ostal. Après indicar a las sièis personas qu’i demoravan que la bandeiròla constituissiá “una infraccion”, demandèron que se retirèsse. Los abitants la retirèron. Pasmens, “los policièrs exigiguèron qu’un de nosautres almens donèsse son identitat” —çò ditz a France 3 la gojata enseguida—, “diguèron que i auriá pas de seguida, qu’èra simplament la procedura après una intervencion policièra. Donèri la miá e partiguèron”.
Mas l’endeman tornèron amb una capitanessa de la polícia que li portèt una convocacion per una audicion al comissariat central per aquel mateis tantòst. Après contactar una avocata, s’obtenguèt de desplaçar la declaracion a l’endeman a 11h. A aquel moment, li notifiquèron qu’èra en gàrdia a vista e l’embarrèron dins una cellula, qu’ela meteissa descriu sens condicions d’igiène en plena crisi sanitària: “Las distàncias son pas respectadas, i a pas de gants, pas de mascas, pas de sabon, pas de gèl idroalcolic, una flaçada non netejada sul matalàs...”
Durant son interrogatòri li pausèron de questions sus l’aficha, mas tanben sus sas opinions politicas e sus las de sos colocataris. Lo procuraire de Tolosa a confirmat a France 3 qu’an dobèrt una enquista per otratge.
Libertat d’expression
L’avocata denóncia la desproporcion de la detencion e de l’acusacion. “Aquò es pas un otratge. Es una bandeiròla de caire politic sus la faciada d’un ostal. Aquò es pas que de libertat d’expression, d’aitan mai que la bandeiròla torna prene un tèrme publicat en una de Charlie Hebdo en genièr de 2020”.
Aqueles metòdes d’intimidacion de la dissidéncia son de mai en mai criticats a Tolosa e per tot lo país. A Tolosa divendres passat, qualques associacions, la Liga dels Dreches de l’Òme, de partits politics e de sindicats d’obrièrs e d’estudiants denóncièron una “polícia politica”.
La bandeiròla èra plaçada al mur exterior de son ostal, dins lo quartièr tolosan de la Roseda. Just après sa mesa en plaça cresquèt considerablament lo passatge regular de veituras de polícia davant aquel ostal. De policièrs avián quitament interrogat una fornièra pròcha de l’ostal per li demandar se los qu’avián mes aquela bandeiròla èran d’esqüataires o de Gilets Jaunes.
Enfin, lo 21 d’abril passat, 5 policièrs se presentèron davant aquel ostal. Après indicar a las sièis personas qu’i demoravan que la bandeiròla constituissiá “una infraccion”, demandèron que se retirèsse. Los abitants la retirèron. Pasmens, “los policièrs exigiguèron qu’un de nosautres almens donèsse son identitat” —çò ditz a France 3 la gojata enseguida—, “diguèron que i auriá pas de seguida, qu’èra simplament la procedura après una intervencion policièra. Donèri la miá e partiguèron”.
Mas l’endeman tornèron amb una capitanessa de la polícia que li portèt una convocacion per una audicion al comissariat central per aquel mateis tantòst. Après contactar una avocata, s’obtenguèt de desplaçar la declaracion a l’endeman a 11h. A aquel moment, li notifiquèron qu’èra en gàrdia a vista e l’embarrèron dins una cellula, qu’ela meteissa descriu sens condicions d’igiène en plena crisi sanitària: “Las distàncias son pas respectadas, i a pas de gants, pas de mascas, pas de sabon, pas de gèl idroalcolic, una flaçada non netejada sul matalàs...”
Durant son interrogatòri li pausèron de questions sus l’aficha, mas tanben sus sas opinions politicas e sus las de sos colocataris. Lo procuraire de Tolosa a confirmat a France 3 qu’an dobèrt una enquista per otratge.
Libertat d’expression
L’avocata denóncia la desproporcion de la detencion e de l’acusacion. “Aquò es pas un otratge. Es una bandeiròla de caire politic sus la faciada d’un ostal. Aquò es pas que de libertat d’expression, d’aitan mai que la bandeiròla torna prene un tèrme publicat en una de Charlie Hebdo en genièr de 2020”.
Aqueles metòdes d’intimidacion de la dissidéncia son de mai en mai criticats a Tolosa e per tot lo país. A Tolosa divendres passat, qualques associacions, la Liga dels Dreches de l’Òme, de partits politics e de sindicats d’obrièrs e d’estudiants denóncièron una “polícia politica”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Na Macona, Na Marcona, Na Mercadona e ara Macronavirus, segurament lo melhor seudonim. Respecte a la detencion es intolerable, es libertat d'expression. Mas los policiotos al servici de la dreta los agrada far paur a lo poble.
Delicte d'opinion !
Al païs autoproclamat dels dreches de l'Òme !
Sovent quan disi que França es pas una democracia, lo monde me respon : "Vai t'en véser en Corèa deu nòrd", en mesclar "libertat d'expression" e "poder au pòble", que son dus concèptes plan diferents, quitament se son ligats teoricament.
E responi totjorn que, efectivament, se pòt criticar ací lo govèrn sens d'estar detengut per la polícia mes qu'es pas aquò que balha lo poder politic vertadièr au pòble.
E ara vesi qu'aquò tampauc es pas ganhat ...
Encara un esfòrç e nosautres tanben n'aurem, de preisonièrs politics !!!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari