Lo mes de març passat, de scientifics avián detectat un trauc enòrme dins lo jaç d’ozòn sus l’ocean Arctic. Mas s’es ja barrat, çò a raportat lo Centre Europèu de Previsions Meteorologicas de Mejan Tèrme (ECMWF, segon sa sigla en anglés) del programa europèu de susvelhança de la Tèrra dich Copernicus.
 
Los scientifics avián observat d’indicis de la formacion d’un trauc estranh e o atribuiguèron a las bassas temperaturas del Pòl Nòrd. Al començament d’abril, l’Agéncia Espaciala Europèa comuniquèt que los nivèls d’ozòn tombavan rapidament, çò que provoquèt aquel traucàs dins lo jaç d’aquel gas que protegís la tèrra de las radiacions ultravioletas del Solelh.
 
Pasmens, dijòus passat, 23 d’abril, la còla de l’ECMWF anoncièt que lo trauc s’èra barrat. De scientifics avián ja previst aquel barrament qu’a pas res a veire amb la davalada de la pollucion deguda als confinaments de la crisi sanitària. S’estima, d’efièch, que s’es barrat a causa de l’èrsa de calor arribada dins l’ocean Artic amb de temperaturas fòrça pus nautas que çò abitual, çò rapòrta Euronews.
 
 

The unprecedented 2020 northern hemisphere #ozòneHole has come to an end. The #PolarVortex split, allowing #ozòne-rich air into the Arctic, closely matching last week's forecast from the #CopernicusAtmosphere Monitoring Service.

More on the NH ozòne holehttps://t.co/Nf6AfjaYRipic.twitter.com/qVPu70ycn4

— Copernicus ECMWF (@CopernicusECMWF) April 23, 2020