Actualitats
Ramadan en periòde de confinament
La comunautat musulmana a de modificar ongan sas activitats tradicionalas e religiosas d’aqueste periòde, qu’ongan s’acaba lo 24 de mai
Divendres passat, comencèt lo Ramadan, qu’ongan serà tanben plan atipic a causa de la pandemia de la Covid-19. E mai, dins aquel periòde del noven mes del calendièr lunar islamic, fòrça musulmans practiquen lo juni de l’alba al solelh colc, las activitats tradicionalas e religiosas d’aquel periòde, qu’ongan acaba lo 24 de mai, son modificadas.
Lo fach mai conegut del Ramadan es lo juni que practican los musulmans de l’alba al solelh colc. Las personas que lo vòlon practicar se devon absténer de manjar, de beure, d’aver de relacions sexualas, de fumar e de se pimponar fins al ser. O devon pas far las personas malautas, los enfants, los vièlhs, las femnas en periòde menstrual, las prenses e las qu’alachan lors enfants. L’ora de començar lo juni e l’ora de l’acabar dependon fòrça de la latitud, e cal consultar l’ora exacta de las pregàrias, dels junis e de l’Iftar; lo moment mai especial de cada jornada.
Mas ongan serà inedit. Lo moment tant especial de l’Iftar, qu’es lo repais del ser que fa rompre lo juni, serà pas possible de lo far en comunautat coma o vòl la tradicion. De costuma, lo mond partejan de manjar e passan lo temps amassa. Ongan, cal que cadun prègue e june en cò sieu, sens possibilitat de rescòntres familials ni pregàrias collectivas a la mosqueta. A mai, los “recitaires” de l’Alcoran, que venon d’Argeria e de Marròc cada an per refortir las pregàrias, ongan arribaràn pas. Es fòrça probable que fòrça mond de tradicion musulmana seguiscan pas las activitats del Ramadan dins aquelas condicions.
Lo Conselh Francés del Culte Musulman (CFCM) “desconselha fòrtament a las familhas de se recampar” per l’Iftar jornadièr. Los imams preveson de difusar de messatges via los rets socials e prepausaràn de sermons especials per la ràdio. Es tradicional qu’aqueste mes siá especialament esperital e que se refortisca los presics sus la paciéncia, la solidaritat, la morala, lo comportament, etc.
Ongan veirem pas tanpauc la distribucion gratuita de repaisses d’Iftar jols capitèls o dins de centres socials. En contrapartida, lo CFCM distribuirà de paquets de manjar a de personas sens domicili fixe.
Los darrièrs jorns e l’endeman del Ramadan son de jorns de jòia, de portar de vestits nòus e de far de presents als mai pichons. S’agís d’una celebracion fòrça semblabla al Nadal tradicional occitan. Mas ongan aquela fèsta sembla que tanben se farà en comitat reduch, segon lo CFCM.
Lo fach mai conegut del Ramadan es lo juni que practican los musulmans de l’alba al solelh colc. Las personas que lo vòlon practicar se devon absténer de manjar, de beure, d’aver de relacions sexualas, de fumar e de se pimponar fins al ser. O devon pas far las personas malautas, los enfants, los vièlhs, las femnas en periòde menstrual, las prenses e las qu’alachan lors enfants. L’ora de començar lo juni e l’ora de l’acabar dependon fòrça de la latitud, e cal consultar l’ora exacta de las pregàrias, dels junis e de l’Iftar; lo moment mai especial de cada jornada.
Mas ongan serà inedit. Lo moment tant especial de l’Iftar, qu’es lo repais del ser que fa rompre lo juni, serà pas possible de lo far en comunautat coma o vòl la tradicion. De costuma, lo mond partejan de manjar e passan lo temps amassa. Ongan, cal que cadun prègue e june en cò sieu, sens possibilitat de rescòntres familials ni pregàrias collectivas a la mosqueta. A mai, los “recitaires” de l’Alcoran, que venon d’Argeria e de Marròc cada an per refortir las pregàrias, ongan arribaràn pas. Es fòrça probable que fòrça mond de tradicion musulmana seguiscan pas las activitats del Ramadan dins aquelas condicions.
Lo Conselh Francés del Culte Musulman (CFCM) “desconselha fòrtament a las familhas de se recampar” per l’Iftar jornadièr. Los imams preveson de difusar de messatges via los rets socials e prepausaràn de sermons especials per la ràdio. Es tradicional qu’aqueste mes siá especialament esperital e que se refortisca los presics sus la paciéncia, la solidaritat, la morala, lo comportament, etc.
Ongan veirem pas tanpauc la distribucion gratuita de repaisses d’Iftar jols capitèls o dins de centres socials. En contrapartida, lo CFCM distribuirà de paquets de manjar a de personas sens domicili fixe.
Los darrièrs jorns e l’endeman del Ramadan son de jorns de jòia, de portar de vestits nòus e de far de presents als mai pichons. S’agís d’una celebracion fòrça semblabla al Nadal tradicional occitan. Mas ongan aquela fèsta sembla que tanben se farà en comitat reduch, segon lo CFCM.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La religion de la patz, eh? ;)
Los dijunis tan forts coma aqueste o los que comencan a se far vegetarians, al cap d' una setmana de aver començat a lo far, senten un estat espiritual molt fort, coma d'elevacion molt agradabla que los que non o an fait jamai no s'o poden imaginar. Aqueste estat d'elevacion fa la sensacion coma se volassen, e molta felicitat. Dura un o dos meses.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari