S’avètz de dificultats de cobertura de la wi-fi en cò vòstre o al trabalh, podètz ensajar de veire se fonciona lo simple truc que prepausa la seccion “Minute Hacks” del sit web HackCollege.com. Segon aqueste vidèo d’una minuta, n’i a pro amb lo botelhon d’una bevenda, tipicament un botelhon d’alumini, per aumentar de doas barras la recepcion d’Internet sens fils. Cal solament dobrir lo botelhon per cada cap, i far un talh e l’emplegar coma amplificador ostalièr de l’antena del router.
 
De còps, los problèmas de cobertura se pòdon ocasionar a causa de l’emplaçament del router. Aital, HackCollege recomanda de plaçar l’aparelh en un luòc central e un pauc elevat de l’ostal, alonhat dels objèctes metallics, pr’amor que los objèctes de metal, las parets e lo sòl pòdon interferir e redusir la connexion. Es possible que la melhora opcion, e mai se sembla estranha, siá la cosina o la sala de banh.
 
Mas s’aquò va pas, assajatz-o amb aquel estèc engenhós del botelhon d’alumini. Dins lo vidèo, s’explica los passes de seguir.