Actualitats
Lo primièr cas europèu de Covid-19 se detectèt a París lo 27 de decembre
Aquò significa que la malautiá arribèt en Euròpa un mes abans çò que se cresiá
L’estat francés detectèt lo 24 de genièr los primièrs tres cases de Covid-19, mas sembla que lo virus i èra dempuèi longtemps. Lo doctor Yves Cohen, cap dels suènhs intensius dels espitals Avicenne e Jean Verdier, dins la banlèga de París, a explicat que l’espital Jean Verdier tractèt un infectat per la malautiá lo 27 de decembre, quatre jorns abans que China raportèsse a l’OMS lo risc de çò qu’èra arribat a Wuhan.
Dins una entrevista sus BFM TV, Cohen a explicat que s’es revisat totes los examens que se faguèron als 24 pacients amb pneumonia que passèron pels dos espitals entre decembre e genièr. Dins 23 cases s’escartèt la preséncia del coronavirus 2019, mas dins un cas si que se detectèt.
“Foguèt malaut pendent quinze jorns e infectèt sos dos enfants, mas pas sa femna, que trabalhava a la peissonariá d’un supermercat”, çò a precisat Cohen, a prepaus d’aquel pacient. “Poiriá èsser lo pacient zèro, mas i a benlèu d’autres cases en d’autras regions. Totas las espròvas negativas en de pacients de pneumonia las cal revisar”, çò a apondut.
Per quant de saber cossí s’infectèt aquel primièr cas, Cohen a respondut qu’es possible que sa femna foguèsse asimptomatica e infectèsse la rèsta de la familha, perque l’òme èra pas sortit de l’estat francés dins las setmanas anterioras a l’infeccion. Dins aquel sens, lo doctor a apondut que la femna poiriá èsser estada infectada dins lo comèrci ont trabalha, pr’amor que la peissonariá es just al costat d’un local de sushis dirigit per de chineses. Ça que la, lo mètge a explicat qu’es pas sa tòca de far lo seguiment dels cases e d’identificar los ligams d’infeccion.
Dins una entrevista sus BFM TV, Cohen a explicat que s’es revisat totes los examens que se faguèron als 24 pacients amb pneumonia que passèron pels dos espitals entre decembre e genièr. Dins 23 cases s’escartèt la preséncia del coronavirus 2019, mas dins un cas si que se detectèt.
“Foguèt malaut pendent quinze jorns e infectèt sos dos enfants, mas pas sa femna, que trabalhava a la peissonariá d’un supermercat”, çò a precisat Cohen, a prepaus d’aquel pacient. “Poiriá èsser lo pacient zèro, mas i a benlèu d’autres cases en d’autras regions. Totas las espròvas negativas en de pacients de pneumonia las cal revisar”, çò a apondut.
Per quant de saber cossí s’infectèt aquel primièr cas, Cohen a respondut qu’es possible que sa femna foguèsse asimptomatica e infectèsse la rèsta de la familha, perque l’òme èra pas sortit de l’estat francés dins las setmanas anterioras a l’infeccion. Dins aquel sens, lo doctor a apondut que la femna poiriá èsser estada infectada dins lo comèrci ont trabalha, pr’amor que la peissonariá es just al costat d’un local de sushis dirigit per de chineses. Ça que la, lo mètge a explicat qu’es pas sa tòca de far lo seguiment dels cases e d’identificar los ligams d’infeccion.
Le Pr Yves Cohen affirme qu'un patient était atteint du Covid-19 en France dès le 27 décembre pic.twitter.com/xU9IFeD57a
— BFMTV (@BFMTV) May 3, 2020
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
L'an del grip lo 1918, li digueren lo grip espanhol, per què aquí la sanitat lo detectet, mas los altre paises del mond non digueren res e quedet amb lo nom de grip espanhol. Causa completament falsa per què Espanha non entret a la guerra e la grip foguet per la descomposicions dels cossos putrefactes que quedaren entre trincheras que non se podian enterrar per què lo front de combat practicament no avancet ni reculet durant tota la guerra. Lo doctor Cohen o a dit que s'an de mirar tots los cases de la neomonia de França e de tota Europa, e de tot lo mond.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari