Una desena de presonièrs de l’estat espanhòl aurián començat divendres passat una cauma de la fam per exigir l’excarceracion de las personas vièlhas o amb de patologias grèvas per evitar qu’aganten la Covid-19 amb de consequéncias tragicas, çò rapòrta Directa. La protèsta comencèt divendres dins mai d’una preson de l’estat e s’anóncia que dins las setmanas avenidoiras s’estendrà dins d’autres centres de detencion.
 
A l’ora d’ara, 500 personas son mesas en quarantena dins las presons espanhòlas, çò que vòl dire que son isoladas sens poder sortir de lors cellulas pr’amor qu’an presentat de simptòmas de la malautiá o an agut qualque contacte amb un malaut.
 
A mai, declaran que los presonièrs que mòstran lor desacòrdi sus la manca d’atencion sanitària son “punits, reprimits e isolats”.
 
 
Las revendicacions
 
Aquela cauma cèrca de far veire cossí se son endurzidas las condicions de vida dins las presons en seguida de la crisi sanitària de la Covid-19 e de la manca de servicis medicals que la patisson;  se presenta una revendicacion de catòrze ponches que la defendon dempuèi quatre ans un collectiu de presonièrs en lucha. Demest aquelas revendicacions trobam l’abolicion del regim d’isolament e dels transferiments arbitraris, la remesa en libertat dels malauts en fasa terminala o que patisson de malautiás incurablas, de melhoraments dins l’atencion medicala e la defensa juridica. Tanben demandan la fin dels maltractaments, de la tortura e de las penas a perpetuitat.
 
 
Un nombre de caumaires de mal saber
 
A l’ora d’ara, un vintenat de presonièrs se declaran en lucha activa. Mas los retards del corrièr postal, tals qu’una letra pòt esperar doas setmanas abans d’arribar d’una preson a l’autra, son a fòrça dificultar la coordinacion dels caumaires. Segon Directa, es complicat de saber lo nombre exacte de personas en lucha, e quantas d’elas en cauma de la fam, car qualques unas pòdon pas encara comunicar de qualque biais amb l’exterior. Per ara, sonque se confirma qu’uèch presonièrs an reüssit a mandar una letra en confirmant lor cauma de la fam.
 
 
 
<a href="https://www.jornalet.com/socis" target="blank"><img alt="abonar los amics de Jornalet" id="Abonar los amics de Jornalet" src="http://www.jornalet.com/imatges/images/SOCI.jpg" /></a>
 
 
<form action="https://www.paypal.com/cgi-bin/webscr" method="post" target="_top"><input name="cmd" type="hidden" value="_s-xclick" /> <input name="hosted_button_id" type="hidden" value="PSTPGYAHBJHCU" /> <input alt="Bouton Faites un don avec PayPal" name="submit" src="https://www.jornalet.com/imatges/images/fasetz-un-don-01.gif" style="border-width: 0px; border-style: solid;" title="PayPal - The safer, easier way to pay online!" type="image" /> <img alt="" border="0" height="1" src="https://www.paypal.com/fr_FR/i/scr/pixel.gif" width="1" /></form>