Los dirigents d’Air France trabalhan amb granda discrecion sus lo barrament de tres basas qu’an pas capitat lors objectius. Segon lo jornal francés Le Figaro, l’anonci del barrament de las basas d’Air France a Marselha, Niça e Tolosa se poiriá proclamar en setembre.
Lo projècte d’establir aquelas basas, l’instaurèt en 2011 Pierre-Henri Gourgeon, qu’alavetz èra lo director general d’Air France-KLM. Gourgeon presentèt aquela iniciativa coma una possibla responsa als prèses de las companhiás low cost.
L’idèa que deviá garentir lo succès d’aquelas doberturas èra un usatge mai intensiu dels avions e de lor personal de vòl per ne melhorar la productivitat. Pasmens, segon çò que rapòrtaLe Figaro, lo projècte s’es tròp centrat sus la reduccion dels còstes e pas gaire sus lo marqueting. Los quites salariats an pas solament pogut captar las intencions de la companhiá aeriana.
Diluns que ven, lo 7 de genièr, Alexander Juniac, actual director general d’Air France, presentarà la nòva gamma de servicis de la companhiá, coma la possibilitat de crompar de vòls sens de servicis aponduts e de far pagar per eles çò meteis qu’una companhiá low cost. Ça que la, sembla que l’avaloracion definitiva sus las tres basas occitanas se farà al mitan de l’an.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
de tot biais, las basas son simplament estructuras de gestion d'un terminal de Air France, se podrà far dempuèi París !
Se podrà far dempuèi París tot en gardar las ligasons aerianas, ligasons que son mai que tot utilas per : - lo personal centralista de l'Estat jacobin que trabalha per l'administracion (prefectorala, armada, RG), lo personal politic jacobin (elegits, representants dedins los partits centralistas), personal o quadres d'entrepresa qu'an lo sièti parisenc e que pensan parisenc , mèdias de tot escantilh qu'arríban aquí per far de parisianisme de bon mercat dos còps a l'an... Totas las melhoracions del sistèma logistica en estela sobre la santa e republicana capitala es una perda de temps per Occitània, e sa dignitat.
Val melhor notar que d'autras entrepresas aerianas e sovent mai eficaças economicament son installadas a Tolosa e ajúdan realament l'economia occitana de se despertar a Tolosa, sovent en ligason ambe AEDS e lo sistèma aeronautic europèu.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari