Acabat de vos esquichar coma d’anchòias dins d’avionasses! Per l’avenidor, es pas un Airbus “Beluga” mas de balonetons “Estratobus” que volaràn deman. Es pas una plaça voida entre dos sètis mas un “Estratobus” per caduna e cadun que caldrà. A Tolosa an de se bolegar las nièiras!
 
A l’avenidor, dins las veituras, la plaça del mòrt deurà èsser a mai d’un mètre d’aquela del vivent menaire. Per respècte del mètre, la “Zoé” devendrà la “Zo” mai larga que longa. Del còp, totas las rotas de la planeta deuràn èsser alargadas. D’òbras grandas en espèra!
 
Sus las mòtos, veirètz pas pus femna e òme apegats l’un a l’autre, cuèissa a cuèissa, pitre a esquina, casco a casco. La mòto de deman portarà un sèti solament pel menaire, es tot! Adiu passatgièr o passatgièra! Del còp, lo mercat va doblar! Segur, un fum de “Sètisol” van espelir!
 
E la bicicleta, me diretz? Per la bicicleta, rai! Es pel tandem que se cal far de lagui. Acabat de pedalar un darrièr l’autre. Caldrà totjorn pedalar mas un a costat de l’autre. Enfin a costat , a un mètre un de l’autre. Aprèp lo tandèm vaqui lo còstacicle. Las fabricas de “Còstacicle” se van lecar las babinas!  
 
E per manjar a un mètre un de l’autre, serà un copacap pel Mèstre o la Mestressa de l’ostalada! Benlèu pas! Totas los salas de manjar e cosinas desapareisseràn per plaça laissar al CIA, Cabinet Individual Apitançaire. Cabinet individual amb congèlo, frigo, microonda, cafetièira, teièira, panièira e tauleta personalizada per s’apitançar. Trump a ja contactat la CIA per passar comanda!
 
Aprèp lo salon, la cambra. Roncar a un mètre l’un de l’autre, dins un lièchon, es pas aisit.  Podrètz totjorn cambiar de lièch e passar al matalàs quatre mètres per tres! Mas aquí , benlèu la cambra serà pichoneta de tròp! Caldrà l’agrandir, e del còp, l’ostal o l’apartament tanben. Lo BTP a de polits jorns davant el!
 
Se podètz pas cambiar de lièch, alara vos demorarà la moqueta per dormir, un de cada caire del matalàs. E aquí per far gin-gin, lèva-te matin! Benlèu pas, me dirètz, se deman margan los òmes amb un vièch de mai d’un mètre! Los geneticians van dever vièt-d’asejar!
 
Planetians e planetianas per demorar los mèstres vos caldrà respectar lo mètre. Serà pas aisit coma sètz òrbs, avugles! Lo jorn ont retrobaretz la vista, tornarètz mèstres escanaires de la miá Tèrra?
 
 
 
 
Clamenç
Umorista occitan
 
 
 

 

---

Partejatz lo confinament amb la rèsta de legeires

Encoratjam nòstres legeires a nos mandar de tèxtes, de vidèos, d’imatges o d’àudios sus lors idèas de passar lo confinament. De partejar aqueles moments entre totes nos ajudarà a nos donar d’idèas los unes als autres, e nos coneisserem un pauc melhor.
        
                                                                                                                                                                                         

fffff		fffff
	Cronicas de l'embarrament                          A l’iniciativa de sos legeires, Jornalet prepausa de mandar regularament la cronica d’un embarrament. Aquela cronica pòt èsser ficcionala o a mièjas reala, mas es una convidacion a un exercici literari. Daissatz  vòstra imaginacion s’exprimir en una lenga trabalhada, rafinada, afogada. I podètz apondre un imatge.                          Los tèxtes seràn publicats regularament dins la seccion “Cronicas de l’embarrament”. Escrivètz a info@jornalet...

 
        
                                                                                                                                                                                                                                                                                                                                                                                         

fffff		fffff		fffff
	Lo confinament dels legeires de Jornalet
			Sès confinat a l’ostal? As, totun, de connexion a Internet? As de bonas idèas per passar lo temps? Jornalet demanda a sos legeires que partegen lors idèas e lor vida en confinament amb un messatge de tèxt, una fòto, un vidèo, un àudio o qué que siá que se pòsca publicar en linha e partejar amb los autres legeires.                                                                                                     As bastit un castèl de carton pels enfants? Fas d’escalada dins la cosina? As organizat un concèrt per videoconferéncia? Tenes una vida sociala sus las fenèstras o los balcons? Fas d’espòrt a l’ostal? As de bons libres a nos recomandar? De bonas idèas per èsser tostemps de bona umor?
	Manda tos documents a info@jornale...                                                                                                     Convivéncia e paratge en confinament.