capçalera campanha

Actualitats

InternacionalPoliticaSocietat

Coronavirus: als Estats Units los negres ne morisson dos còps mai que los blancs

Un reportatge de Xesco Reverter per la Television de Catalonha mòstra lo racisme estructural a causa del qual la comunautat afroamericana patís pus fòrt totas las crisis

Als Estats Units, la comunautat afroamericana patís pus fòrt totas las crisis
Als Estats Units, la comunautat afroamericana patís pus fòrt totas las crisis | CCMA
Als Estats Units d’America, los afroamericans representan lo 13% de la populacion totala mas representan ja lo 25% dels mòrts de la Covid-19. Aquela desproporcion es pas un azard mas una consequéncia del racisme que lo patís encara aquela comunautat, çò rapòrta Xesco Reverter, correspondent de la Television de Catalonha dins aquel país.
 
Aquel racisme estructural se mòstra dins una diferéncia de classas. Lo reportatge fa veire que los afroamericans son los que fan los trabalhs mai riscats e expausats a las infeccions: “Son los que menan los autobuses, los netejan e se’n servisson per anar trabalhar”, çò explica la metgessa Randi Abramson. “Trabalhan en netejant de burèus o dins de servicis essencials coma los supermercats o las farmacias”, çò apond. A tot aquò cal apondre que la pauretat a portat mai de cases de diabèti, d’asma, d’obesitat e de malautiás coronàrias dins la populacion afroamericana.
 
Los negres son las primièras victimas del caumatge. Abans la pandemia, i aviá lo doble de negres desocupats que de blancs. E ara, amb la crisi derivada de la pandemia, es la populacion afroamericana que pèrd sos emplecs a un ritme pus naut.
 
Dins aquel sens, l’ONG Bread for the City (De pan per la Ciutat) rapòrta que los negres an sistematicament un salari 20% inferior als dels blancs, que lor patrimòni es dètz còps inferior e que normalament an pas d’estalvis. “Avèm totjorn agut d’inegalitats socioeconomicas qu’afectavan la populacion negra e la pandemia las a exacerbadas”, çò ditz lo director de l’ONG, George Jones. “M’inquieta quant de temps lor costarà de reprene la normalitat, e cresi que per los migrants serà exponencialament pièger”, çò precisa.
 
Los afroamericans pòdon mens trabalhar a l’ostal que los blancs. Per tant, a mesura que se debanarà lo desconfinament seràn los primièrs a tornar als supermercats, a las residéncias geriatricas o als restaurants, en cas qu’ajan pas perdut lor emplec.
 
 
 
 
abonar los amics de Jornalet
 
 

 
“Avèm totjorn agut d’inegalitats socioeconomicas qu’afectavan la populacion negra e la pandemia las a exacerbadas”, çò rapòrta lo director de l’ONG Bread for the City, George Jones
“Avèm totjorn agut d’inegalitats socioeconomicas qu’afectavan la populacion negra e la pandemia las a exacerbadas”, çò rapòrta lo director de l’ONG Bread for the City, George Jones | CCMA

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: SIDILLÀ

Comentaris

francesc palma
1.

Aquesta informacion però no parla de si los negres an qualque assegurança qu' els premeti estar atesos gratuitament en cas d'estar infectats. Per què als EEUU la sanitat es privada e an de tenir una assegurança privada.

  • 1
  • 0

Escriu un comentari sus aqueste article