Actualitats
An detectat una respelida del coronavirus en Corèa del Sud
L’executiu de Mun Jaein a barrat totes los bars e discotècas de Seol. Ara s’identificarà e s’examinarà 1510 personas que foguèron dins l’airal afectat
Fins ara, la Corèa del Sud aviá recebut d’elògis mondials per la gestion de la pandemia que l’a menada aquel país. La Corèa del Sud foguèt, d’efièch, un dels primièrs a detectar d’infeccions après que s’identifiquèsse lo virus a Wuhan (China). Mejançant una estrategia agressiva de deteccion e d’isolament, lo govèrn aviá reüssit a conténer l’expansion de la Covid-19.
Totun, dissabte, qualques jorns après lo desconfinament —e lo retorn de la liga de fotbòl— lo cònsol màger de Seol decidiguèt de barrar totes los bars e las discotècas de la vila per paur d’una “explosion de las infeccions”. Las autoritats an identificat un jove de 29 ans coma la causa. An raportat que l’òme èra sortit far la fèsta de nuèch aquesta dimenjada dins lo districte popular d’Itaweon. Per evitar l’espandiment de la malautiá, s’identificarà e s’examinarà 1510 personas que rescontrèron aquel òme.
The city of Seoul, South Korea ordered the closing of all nightlife establishments after a surge of #coronavirus cases tied to nightclubs in the capital. More @business: https://t.co/IwAxO1AI92#이태원pic.twitter.com/2EZB3Z3wEY
— Shakthi Vadakkepat (@v_shakthi) May 10, 2020
Bad news after so much good from #SouthKorea.
— (((Howard Forman))) (@thehowie) May 9, 2020
To the best that we can tell: one 29 year old went clubbing (five clubs in #Itaewon) last weekend and there is an explosion of cases stemming from those encounters. Clubs, etc. are now closed in Seoul. 1/2https://t.co/ZLc1P8xtkk
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aquel barrament de locals publics s’es decretat per paur que lo virus se torne propagar d’un biais massís. E plan segur. A l'origina de la pandemia, i aguèt un pacient afectat, e res mai. Ne basta d'un. Tant que los autres, nosautres, non coneissèm immunologicament aquel virus, ne bastarà sempre d'un per o tornar començar tot. La soleta pòrta de sortida efectiva, eficienta, es la vaccinacion generalizada.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari