Après lo confinament, i a ja agut las primièras manifestacions de ciutadans que demandan de responsabilitats en seguida de la gestion d’aquela crisi sanitària, del nombre de mòrts e de las consequéncias de las mesuras de confinament.
 
E mai dins las Valadas foguèsse ja començat fa qualques jorns, diluns comencèt lo desconfinament gradual en Aran e dins la rèsta d’Occitània. Tre lo primièr de jorn de desconfinament i aguèt ja lo primièr jorn de manifestacions e de protèstas davant los espitals del temps que los Gilets Jaunes reprenián lors plaças abitualas de protèsta.
 
D’un caire, lo personal sanitari a protestat per tot l’estat francés, contra la manca de respondut a la crida dels sindicats per sosténer aquelas revendicacions.
 
A Tolosa, qualques centenats de personas se recampèron davant los quatre centres espitalièrs universitaris (diches CHU, segon la sigla francesa) per reclamar mai de ressorsas per la santat.
 

 

 
Las manifestacions se tenguèron per totas las principalas vilas del país. De Pau estant, la còla de Libertat nos manda d’imatges e vidèos de la protèsta:
 

 

 
Dins aquel sens, la redaccion de Jornalet exprimiguèt tanben son opinion dins l’editorial del 3 de mai passat.