Actualitats
Catalonha: Amnestia Internacionala a tornat demandar la remesa en libertat de Jordi Cuixart e Jordi Sànchez
L'organizacion soslinha l'imprecision del delicte de sedicion e que la senténcia manca a la libertat d’expression e de reünion
Amnestia Internacionala a tornat demandar la remesa en libertat de Jordi Cuixart e Jordi Sànchez, dos dels presonièrs politics catalans embarrats dempuèi lo 16 d’octòbre de 2017. La Cort Constitucionala espanhòla a acceptat lor recors d’aparament contra la senténcia del Suprèm, que los condemna a nòu ans de preson per un delicte de sedicion.
L'organizacion umanitària internacionala a mandat un rapòrt tecnic al procuraire general de l'estat espanhòl, a las defensas e a la partida civila en soslinhant l'imprecision del delicte de sedicion e cossí la senténcia contra los independentistas catalans a mancat a la libertat d’expression e de reünion de Cuixart e Sànchez. "Devon èsser remeses en libertat immediatament", çò ditz lo comunicat de l’organizacion.
Quins son ara los perseguits politics catalans?
La Cort Suprèma espanhòla a jutjats los elegits seguents: Dolors Bassa, Toni Comín, Jordi Cuixart, Carme Forcadell, Joaquim Forn, Oriol Junqueras, Clara Ponsatí, Carles Puigdemont, Raül Romeva, Marta Rovira, Josep Rull, Jordi Sànchez, Jordi Turull; Meritxell Borràs, Carles Mundó, Lluís Puig, Meritxell Serret, Santi Vila.
Jutjats per desobesissença: Ramona Barrufet, l’occitana Mireia Boya, Lluís Corominas, Anna Gabriel, Lluís Guinó, Joan Josep Nuet, Anna Simó.
Quasi totes los acusats son de caps de las listas electoralas de las tres candidaturas independentistas (Amassa per Catalonha, ÈRC e CUP) elegits a las darrièras eleccions regionalas del 21 de decembre passat de 2018.
D’aquestes nòu son en preson, sèt en exili e los autres seràn jutjats dins los jorns avenidors a Barcelona.
A mai son perseguits per terrorisme los joves Adrià Carrasco i Tarrés, en exili; Tamara Carrasco García en assignacion a domicili, e sèt dels nòu joves detenguts en setembre passat que foguèron un temps en preson preventiva a Madrid en regim d'isolament. Aquestes son Xavier Duch, Ferran Jolis, Eduard Garzón, Xavier Buigas, Germinal Tomas, Alexis Codina e Jordi Ros.
L'organizacion umanitària internacionala a mandat un rapòrt tecnic al procuraire general de l'estat espanhòl, a las defensas e a la partida civila en soslinhant l'imprecision del delicte de sedicion e cossí la senténcia contra los independentistas catalans a mancat a la libertat d’expression e de reünion de Cuixart e Sànchez. "Devon èsser remeses en libertat immediatament", çò ditz lo comunicat de l’organizacion.
Quins son ara los perseguits politics catalans?
La Cort Suprèma espanhòla a jutjats los elegits seguents: Dolors Bassa, Toni Comín, Jordi Cuixart, Carme Forcadell, Joaquim Forn, Oriol Junqueras, Clara Ponsatí, Carles Puigdemont, Raül Romeva, Marta Rovira, Josep Rull, Jordi Sànchez, Jordi Turull; Meritxell Borràs, Carles Mundó, Lluís Puig, Meritxell Serret, Santi Vila.
Jutjats per desobesissença: Ramona Barrufet, l’occitana Mireia Boya, Lluís Corominas, Anna Gabriel, Lluís Guinó, Joan Josep Nuet, Anna Simó.
Quasi totes los acusats son de caps de las listas electoralas de las tres candidaturas independentistas (Amassa per Catalonha, ÈRC e CUP) elegits a las darrièras eleccions regionalas del 21 de decembre passat de 2018.
D’aquestes nòu son en preson, sèt en exili e los autres seràn jutjats dins los jorns avenidors a Barcelona.
A mai son perseguits per terrorisme los joves Adrià Carrasco i Tarrés, en exili; Tamara Carrasco García en assignacion a domicili, e sèt dels nòu joves detenguts en setembre passat que foguèron un temps en preson preventiva a Madrid en regim d'isolament. Aquestes son Xavier Duch, Ferran Jolis, Eduard Garzón, Xavier Buigas, Germinal Tomas, Alexis Codina e Jordi Ros.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#4 Atau li arrecomanèc un tractament psiquatric : aqueste arlèri pren son cas per una generalitat ! Projeccion classica d'una neuròsi de las seriosas…
#3 Ena sua darrèra paraula en jutjament, Jordi Cuixart diguec era coneguda frasa "Ho tornarem a fer" (ac tornaram a hèr). Era fiscalia espanhòla (equivalent ath procuraire o ath ministèri public) s'oposèc a un permís de 72 ores entà Cuixart pr'amor que non s'auie penedit (porque no se ha arrepentido). Atau li arrecomanèc un tractament psiquatric
Un dels dos Jordi (cresi qu'es Sànchez) vòlon que se faga sonhar per un psiquiatra. Galègi pas. S'inspiran de Stalin los jutges espanhòls, pas qu'aquò! L'independentisme es una malautiá mentala! Un classic de las dictaturas: se siás pas d'acòrdi amb ieu (lo poder) es que siás fòl. Te sonharem!
Amnestia Internacionala a tornat demandar la remesa en libertat de Jordi Cuixart e Jordi Sànchez, dos dels presonièrs politics catalans embarrats dempuèi lo 16 d’octòbre de 2017. E perqué pas la liberacion de Dolors Bassa, Toni Comín, Jordi Cuixart, Carme Forcadell, Joaquim Forn, Oriol Junqueras, Clara Ponsatí, Carles Puigdemont, Raül Romeva, Marta Rovira, Josep Rull, Jordi Sànchez, Jordi Turull; Meritxell Borràs, Carles Mundó, Lluís Puig, Meritxell Serret, Santi Vila ? Son totes embarrats per delicte d'opinion e jutjats expeditivament per un tribunal fascista e racista !
Cuixart foguèt empresonat en causa de sa coafura òrra, es illegal de portar lo mulet au sègle XXI.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari