Actualitats
Estats Units: indignacion pel crime racista de Breonna Taylor
Dos meses après que de policièrs la tuèsson, las autoritats demandan la revision de l’enquèsta policièra
La victima es Breonna Taylor, una ambulancièra afroamericana de 26 ans. Durant una perquisicion “erronèa” los policièrs li tirèron uèch balas mentre que dormiá amb son calinhaire dins son apartament a Louisville (Kentucky). Avián enfonsat la pòrta sens la prevenir, dins l’encastre d’un avís de recèrca erronèu que concerniá un suspècte que demorava pas pus dins l’immòble e qu’èra ja estat detengut.
Lo governaire de l’estat de Kentucky, Andy Besehar, a dich que l’enquèsta facha per la polícia es “inquietanta” en tot assegurar que lo public o deuriá saber tot. Es atal qu’a demandat als procuraires de l’estat, de la vila e dels Estats Units que revisen l’enquèsta “per assegurar que se farà justícia dins un moment que plusors son chepicats que la justícia siá pas òrba”.
Segon lo rapòrt de la polícia de Louisville, lo calinhaire de la victima aviá tirat sus la camba d’un policièr. Ara el es acusat d’intentar assassinar un policièr. Son avocat assegura que l’òme sabiá pas que los qu’intrèron a l’ostal foguèsson de policièrs.
Segon los testimoniatges dels vesins, los agents s’identifiquèron pas coma policièrs.
La maire de Breonna Taylor, Tamika Palmer, a fach sa denóncia contra tres policièrs de Louisville, en los acusar d’aver tuat sa filha. Demest los avocats que la representan se tròba Benjamin Crum, que representa tanben la familha d’Ahmmaud Arbery, un jove negre de 25 ans assassinat en febièr passat per dos òmes. Un crime enregistrat en vidèo.
#BreonnaTaylor’s family deserves justice.
— Alexandria Ocasio-Cortez (@AOC) May 12, 2020
It is so dehumanizing that Breonna’s family & many others must launch public campaigns just to have victim’s lives recognized & given the dignity of due process.
She was killed two months ago,& nothing has happened since. #SayHerNamehttps://t.co/wS9NJR8lEC
#BreonnaTaylor was murdered by Louisville, KY police while she was sleeping in her home. They drug busted the (wrong) home. Breonna & her boyfriend thought they were being burglarized & were met with over 20 rounds. She was shot 8 times. We can’t even sleep. Say her name. pic.twitter.com/Llwd7phnO1
— Maze (@MaisieBrownJxn) May 14, 2020
THEY ADDED SOME ONE ELSE TO THE LIST SMH #BreonnaTaylorpic.twitter.com/d81nKgL7KX
— We Stand TOGETHER (@WeStandTOGETH11) May 14, 2020
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Es la policia dels estats americans, coma la Federal la mai violenta e assassina qu'existeis, e no té res a veire amb las policias del paisos democratics.
Get up, stand up, stand up for yours rights ! Get up, stand up, don't give up the figth !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari