Lo president rus, Vladimir Putin, a signat un decret d’autreg de la ciutadaniá russa a l’actor francés Gérard Depardieu, que menacèt d’esquinçar lo passapòrt francés en protèsta contra l’aumentacion de las talhas als mai rics impulsada pel president François Hollande.
Depardieu anoncièt que partissiá en Belgica. Fa qualques jorns, lo Conselh Constitucional francés anullèt la lei qu’impausa una taxa patrimoniala de 75% als milionaris, mas l’actor a manifestat que vòl demorar en Belgica.
Putin expliquèt dins la conferéncia de premsa de Cap d’An que voliá ofrir a Depardieu la ciutadaniá russa per resòlver son problèma amb los impòstes franceses, quitament diguèt que l’actor francés es un òme de negòcis e un amic. “Se lo Gérard de verai vòl aver un permés de residéncia en Russia o lo passapòrt rus, podèm considerar l’afar positivament per lo resòlver”, çò diguèt Putin.
Depardieu demòra a l’ora d’ara en Belgica, mas es un convidat fòrça abitual dels festenals de cinèma de Moscòu e d’autres eveniments en Russia.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Ivan Geradovich Depardioff, aquò marca plan, ten. En Russia, la cervesa e la vodka i son bonas e pas caras. A mai, podrà vomitar de longa dins los corridors de las naus d'Aeroflot, coma es l'amic de Potin, aurà lo drech. Se lo steward li fa una remarca, lo tipe acabarà dins un golag de Sibèria. Lo steward, pas Depardioff.
"Sèm totes russes"!!!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari