Actualitats
Es detengut Félicien Kabuga, l'entrepreneire que financèt lo genocidi de Rwanda de 1994
A 84 ans èra un dels fugitius mai recercats per la justícia internacionala. Residissiá a Asnières-sur-Seine, près de París, jos una faussa identitat
Arrestèron Félicien Kabuga dissabte passat a París. Serà jutjat per aver finançat lo genocidi de Rwanda de 1994. A 84 ans, l'òme d'afars èra un dels fugitius mai recercats per la justícia internacionala.
Lo procuraire en cap del Tribunal Penal Internacional per Rwanda (TPIR) a precisat dins un comunicat que "la polícia francesa a arrestat Kabuga dins una operacion sofisticada e coordenada amb de perquisicions simultanèas en mai d’un endrech".
En 1994, Félicien Kabuga, dont una de las filhas èra maridada a un filh del president rwandés Juvénal Habyarimana, fasiá partida del cercle restrench d'aquel president, que son assassinat, lo 6 d'abril de 1994, desencadenariá lo genocidi. Kabuga èra lo fondador e lo president de la Ràdio Television Liura dels Mila Puèges, que difondèt de messatges d'asirança e de cridas a tuar los tutsis. A mai metèt en plaça los diches Fonzes de Defensa Nacionala que financèron la logistica de las armas dels milicians hutu Interahamwe, segon l’acta d’acusacion del TPIR. Es tanben acusat d'aver ordenat a sos emplegats d'importar un nombre impressionant de machets en Rwanda un an abans de las distribuir als Interahamwe.
Lo genocidi
Lo 6 d’abril de 1994, l’atemptat contra l’avion del president rwandés Juvénal Habyarimana marquèt lo començament del genocidi. Davant l’impassibilitat internacionala, dins un periòde de cent jorns, gaireben un milion de personas foguèron assassinadas e de desenats de milièrs de femnas violadas.
Alavetz, França èra presenta dins l’èx-colònia bèlga, particularament a travèrs de destacaments militars. Lo govèrn francés cooperava totjorn tecnicament a la formacion dels dirigents rwandeses, en seguida d’un acòrdi signat en 1975.
Mentre aquestes dirigents, gaireben totes d’hutus, decidissián de tuar los tutsis, las autoritats francesas adoptèron una politica de “non-interposicion”, malgrat las pressions de mai d’un país occidental que mostravan lor chepic en vesent la portada del masèl.
En 2004, l’ÒNU, a l’ocasion del lançament d’un plan d’accion de prevencion dels genocidis, comencèt de commemorar lo Jorn Internacional de Reflexion sul Genocidi, lo 7 d’abril.
Lo procuraire en cap del Tribunal Penal Internacional per Rwanda (TPIR) a precisat dins un comunicat que "la polícia francesa a arrestat Kabuga dins una operacion sofisticada e coordenada amb de perquisicions simultanèas en mai d’un endrech".
En 1994, Félicien Kabuga, dont una de las filhas èra maridada a un filh del president rwandés Juvénal Habyarimana, fasiá partida del cercle restrench d'aquel president, que son assassinat, lo 6 d'abril de 1994, desencadenariá lo genocidi. Kabuga èra lo fondador e lo president de la Ràdio Television Liura dels Mila Puèges, que difondèt de messatges d'asirança e de cridas a tuar los tutsis. A mai metèt en plaça los diches Fonzes de Defensa Nacionala que financèron la logistica de las armas dels milicians hutu Interahamwe, segon l’acta d’acusacion del TPIR. Es tanben acusat d'aver ordenat a sos emplegats d'importar un nombre impressionant de machets en Rwanda un an abans de las distribuir als Interahamwe.
Lo genocidi
Lo 6 d’abril de 1994, l’atemptat contra l’avion del president rwandés Juvénal Habyarimana marquèt lo començament del genocidi. Davant l’impassibilitat internacionala, dins un periòde de cent jorns, gaireben un milion de personas foguèron assassinadas e de desenats de milièrs de femnas violadas.
Alavetz, França èra presenta dins l’èx-colònia bèlga, particularament a travèrs de destacaments militars. Lo govèrn francés cooperava totjorn tecnicament a la formacion dels dirigents rwandeses, en seguida d’un acòrdi signat en 1975.
Mentre aquestes dirigents, gaireben totes d’hutus, decidissián de tuar los tutsis, las autoritats francesas adoptèron una politica de “non-interposicion”, malgrat las pressions de mai d’un país occidental que mostravan lor chepic en vesent la portada del masèl.
En 2004, l’ÒNU, a l’ocasion del lançament d’un plan d’accion de prevencion dels genocidis, comencèt de commemorar lo Jorn Internacional de Reflexion sul Genocidi, lo 7 d’abril.
Rwandan genocide fugitive Felicien Kabuga arrested near Paris after 26 years on the run https://t.co/mLOp1IVRDWpic.twitter.com/MhpIM1sGf1
— Reuters (@Reuters) May 18, 2020
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari