CAPÇALERA PAIS INVISIBLE

Actualitats

InternacionalPoliticaSocietat

Covid-19: la leiçon d’Africa

Los expèrts prevesián una catastròfa umanitària, mas la majoritat dels govèrns africans avián aplicat de mesuras plan abans qu’o faguèssem en Euròpa

Al començament de març los expèrts prevesián una catastròfa umanitària en Africa a causa de la Covid-19. Avián quitament dich que i auriá fins a un milion d’infeccions e mai de 30 000 mòrts. Per astre, aquelas prediccions se son pas realizadas. Dins tot lo continent, tres còps pus grand que tota Euròpa e sèt còps pus grand que l’UE, i a mens de 100 000 contaminats e la pandemia a tuat mens de 3000 personas. Lo país mai afectat es Sud-Africa, amb 250 mòrts, la mitat de las victimas al País Marselhés e dins son departament.
 
Ara los sabents se demandan perqué se son pas complidas aquelas prediccions.
 
D’un caire, son aparegudas qualques teorias racistas, qu’afirmavan que la populacion negra resistiriá melhor al coronavirus. Mas las donadas dels Estats Units rebutan completament aquelas ipotèsis: aquí, es sustot la populacion afroamericana qu’es la principala victima de la pandemia.
 
Sembla que los expèrts occidentals servarián totjorn la vision coloniala d’Africa en mesestimant que lors govèrns sauprián prevenir la pandemia. Mas o an fach. Abituats a las epidemias catastroficas, plusors govèrns africans apliquèron de mesuras fòrça abans Euròpa. Atal, en març mai d’un estat avián ja barradas lors frontièras e aplicavan de restriccions als viatjaires. A mai, dins fòrça païses an bastit de centres per isolar los contaminats.

 

 
 


abonar los amics de Jornalet

 

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

Franc Bardòu
2.

"Bill Gates es acusat d'aver testat daus vacins per lo biais dau servici medical e de l'OMS sur daus africans e de voler far baissar la populacion mondiala emben sas vacinacions."

Primièr problèma : Bill Gates es un informatician multimiliardari, e non pas medecin ni biologista : cossí volètz qu'experimente un vaccin subre qui que siá ? Non i entend pas res ! E perqué s'anar far cagar a assajar en Africa, quand los volontaris, professionals de santat, son multiples dins los centres medicals americans ?

Segond problèma : per far baissar la populacion dins qui an païs que siá, li vendi d'armas a res non còsta, e mai que mai d'armas bacteriologicas, non pas de vaccins qu'empachan de malautejar de badas

Volètz de politica aquí dejós : perqué daissam un vaccin d'interès public universal dins las mans d'unes potencials despausant de brevet privat que los vendrà a un prètz fòrça excessiu (intolerablament, injustificablament car), mai que de lo distibuïr d'autoritat (collectivista) a prètz costant per tot lo mond sense aclapar los sistèmis de santat de totes los païses del mond, sonque per enriquer d'accionaris privats que non seràn pas qutament los cercaires agent trobar aqueste vaccin futur ?

  • 12
  • 0
Papioli
1.

S'en dich de brave sur internet perçò qu'es dau coronavirus e de la vacinacion. Bill Gates es acusat d'aver testat daus vacins per lo biais dau servici medical e de l'OMS sur daus africans e de voler far baissar la populacion mondiala emben sas vacinacions.

Degun en parla dins la pressa officiala francesa e dins la tòca de jornalet. Jornalet portara lo nom de colabòs per difusar de faussas informacions e de badar la tecnologia que sòrt daus laboratopris farmaceuticas o d'autres tecnologias sens exerçar son dreit de critica.

  • 0
  • 18

Escriu un comentari sus aqueste article