capçalera campanha

Actualitats

InternacionalPolitica

Coronavirus: Trump acusa China de “murtre de massa mondial”

Trump a ja acusat mai d’un còp China d’aver permés la propagacion del virus pel Mond. Mas, dimècres passat, foguèt mai que mai dur

| AP Photo / Alex Brandon
Lo president dels Estats Units, Donald Trump, a acusat tornarmai China de la propagacion del coronavirus dins lo Mond en gausant afirmar que “l’incompeténcia” d’aquel país a permés l’arribada d’“aqueste murtre de massa mondial”.
 
Trump a ja acusat mai d’un còp China d’aver permés la propagacion del virus pel mond. Mas, aqueste còp, es estat mai que mai dur. “Qualque baug en China a publicat una declaracion qu’acusava totòm franc de China pel virus, qu’ara a assasinat de centenats de milièrs de personas”, çò a dich Trump sus Twitter en tot demandar als jornalistas que rapòrtan qu’es estada “l’incompeténcia de China e pas res mai qu’a causat “aqueste murtre de massa mondial”.
 
 
Fa qualques jorns, dins una conferéncia de premsa, Trump aviá acusat China d’aver pas arrestat lo virus a l’origina.
 
“M’agradariá de veire de chifras pus bassas, m’agradariá veire pas cap de mòrt. Tot mòrt es de sòbra. Aquò se seriá pas degut jamai passar. Aquò venguèt de China, se seriá degut arrestar en China abans d’anar pel Mond. Avèm 186 païses aqueste matin, 186 païses son afectats. E en cada país es la meteissa causa. Russia es ara plan afectada. França es plan afectada. Agachas quin país que siá e pòdes dire «afectat» o poiriás dire «infectat». Es quicòm de terrible, çò que s’es passat. Se seriá pogut arrestar a la sorsa, aquí d’ont sortiguèt, mas o foguèt pas.”
 
 
 
 
abonar los amics de Jornalet
 
 

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: SIDILLÀ

Comentaris

francesc palma
2.

Lo qu' a de far aqueste betsol es far avançar las investigacions per trobar lo remei e la vacuna per guarir a sa poblacion, e daissar se de colhonadas propias d'un retrassat mental.

  • 1
  • 0
Maignial Galhac
1.

Los Estats-Units son la nacion mai tocada pel virus, amb prèp de 100 000 mòrts e lèu 2 milions de malauts. E fa pas que començar. Mas de segur l'incompeténcia se trapa en China... Se foguesse tant aisit d'arrestar lo virus "a la sorsa", perqué es tant complicat de lo vencir en America? Aqueste destimborlat es lo primièr responsable de la situacion dins son païs, e esperi plan que pagarà.

  • 4
  • 0

Escriu un comentari sus aqueste article