Actualitats
Angela Merkel: “L’estat-nacion solet a pas cap d’avenir”
La cancelièra alemanda explicava atal sos acòrdis amb Macron en soslinhant l’importància de l’Union Europèa subre los estats
“L’estat-nacion solet a pas cap d’avenir. Alemanha prosperarà solament s’Euròpa prospèra. Aquò es fòrça clar. E aquò val tant per la patz e la libertat coma per l’economia e la prosperitat”. Amb aquestas paraulas la cancelièra alemanda Angela Merkel explicava dimars passat sa reünion amb lo president francés Emmanuel Macron.
En plena polemica sul format de l’Union Europèa e sa reaccion a la pandemia, Merkel foguèt mai ferma que jamai en çò que tanh al debat entre los estats membres e la volontat de se refortir fàcia a l’Union Europèa: “Es evident que i a de fòrças que vòlon pas una Union Europèa fòrta. Vivon en defòra de l’Union Europèa e cada jorn los ausissèm a dire que sèm los unes contra los autres. Mas i a tanben de gents dins l’Union Europèa qu’afirman que vòlon pas una Euròpa pus fòrta mas que lo futur es los estats-nacion. Per aquesta rason ara, a un moment de crisi, es lo moment de donar batalha. E Alemanha e França defendèm l’idèa d’Euròpa”.
Dins lor reünion, Merkel e Macron pachèron de transferiments e de subvencions, non pas de prèstes, per afrontar la crisi de la Covid-19 per una valor de 500 miliards d’èuros.
Aquesta soma es cèrtas luènh de çò que demandan los estats del sud e lo Parlament Europèu, mas es totun una virada radicala dins l’idèa, sostenguda pels estats del nòrd, que la recuperacion se deviá far per mejan de prèstes. Lo plan francoalemand prevei qu’aqueles 500 miliards d’èuros sortiscan de deute emés dins los mercats per la quita Comission Europèa, e significa una opcion clara de las doas grandas economias de l’Union Europèa per cambiar la descomposicion evidenta de l’UE, qu’a permés que pendent la crisi los estats-nacion se refortiscan en adoptant, en qualques cases, de politicas pauc compatiblas amb l’existéncia d’aquela confederacion d’estats independents.
En plena polemica sul format de l’Union Europèa e sa reaccion a la pandemia, Merkel foguèt mai ferma que jamai en çò que tanh al debat entre los estats membres e la volontat de se refortir fàcia a l’Union Europèa: “Es evident que i a de fòrças que vòlon pas una Union Europèa fòrta. Vivon en defòra de l’Union Europèa e cada jorn los ausissèm a dire que sèm los unes contra los autres. Mas i a tanben de gents dins l’Union Europèa qu’afirman que vòlon pas una Euròpa pus fòrta mas que lo futur es los estats-nacion. Per aquesta rason ara, a un moment de crisi, es lo moment de donar batalha. E Alemanha e França defendèm l’idèa d’Euròpa”.
Dins lor reünion, Merkel e Macron pachèron de transferiments e de subvencions, non pas de prèstes, per afrontar la crisi de la Covid-19 per una valor de 500 miliards d’èuros.
Aquesta soma es cèrtas luènh de çò que demandan los estats del sud e lo Parlament Europèu, mas es totun una virada radicala dins l’idèa, sostenguda pels estats del nòrd, que la recuperacion se deviá far per mejan de prèstes. Lo plan francoalemand prevei qu’aqueles 500 miliards d’èuros sortiscan de deute emés dins los mercats per la quita Comission Europèa, e significa una opcion clara de las doas grandas economias de l’Union Europèa per cambiar la descomposicion evidenta de l’UE, qu’a permés que pendent la crisi los estats-nacion se refortiscan en adoptant, en qualques cases, de politicas pauc compatiblas amb l’existéncia d’aquela confederacion d’estats independents.
Wow! pic.twitter.com/YJeUNMoKnp
— Harry Bergmann (@HarryBergmann1) May 19, 2020
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Segurament se referia a França e Espanya, que no saben pas distinguir "estat e nacion" los paubrets.
A. Merkel a vertadièrament dit "l’estat-nacion" en alamand dins lo tèxte ? Aquò me suspren un pauc, ja qu'en fòra de França, un estat es quicò mde plan diferent d'una nacion…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari